Nóc wujednanja w Róžeńće
Wšitcy wěriwi, hač mužojo abo žony, młodźi abo stari, su sobotu, 29. měrca, do Róžeńčanskeje swjatnicy na nóc wujednanja přeprošeni. Serbscy młodostni ju wuhotuja. Nóc wujednanja započnje so w 20.00 hodź. z nyšporom a wustajenjom Najswjećišeho a skónči so z Božej mšu w 23.00 hodź. W běhu wječora změja wěriwi składnosć, so modlić, na hudźbu słuchać abo ćicho wo sebi rozpominać a na Boha słuchać. Zamołwići změja wšelake stacije spřihotowane. Zdobom budźe přiležnosć, k sakramentej wujednanja, swjatej spowědźi, přistupić, abo wo duchownu rozmołwu prosyć.
Znamjo Drježdźansko-Mišnjanskeho biskopstwa za Swjate lěto, kopija ikony swjateho křiža Assisiskeje cyrkwje w San Damiano, w serbskich wosadach
Znamjo Drježdźansko-Mišnjanskeho biskopstwa za Swjate lěto, kopija ikony swjateho křiža Assisiskeje cyrkwje w San Damiano, budźe po serbskich wosadach pućować. To zahaji so w nocy wujednanja w Róžeńčanskej swjatnicy sobotu, 29. měrca, a skónči so pjatu póstnu njedźelu, 6. apryla, z putnikowanjom swójbow na samsnym městnje.
Putniski zešiwk k Swjatemu lětu
W Drježdźansko-Mišnjanskim biskopstwje je putniski zešiwk k Swjatemu lětu wušoł. Wón skići wěriwym a dalšim zajimcam impulsy za swójski spirituelny puć a wjedźe jich k wuznamnym putniskim městnam diecezy. Wón budźe na putniskich městnach a na farach darmotnje předležeć.
Zawodny nastawk Drježdźansko-Mišnjanskeho biskopa Heinricha Timmereversa k zahajenju Swjateho lěta 2025
Strona za dźěći k Swjatemu lětu 2025
Křižna ikona z Assisija je znamjo Drježdźansko-Mišnjanskeho biskopstwa za Swjate lěto 2025
Putnikowanje Drjedźansko-Mišnjanskeho biskopstwa we wobłuku Swjateho lěta do Roma
