Katolski Posoł – 9. oktobra 2022

deutsch >>>

W aktualnym wudaću nańdźeće mjez druhim tole:​

Na kotre wašnje móže Bóh čłowjeka hojić, wo tym pisa awtor w swojim zawodnym nastawku. Zdobom wón wuswětla, što je za hojenski proces hišće trěbne.
W Fuldźe wotmě so nazymska plenarna zhromadźizna Němskeje biskopskeje konferency. Mjez druhim wěnowachu so wobdźělnicy prašenjam seksualneje moralki a rěčachu wo swojim planowanym wopyće w nowembrje we Vatikanje.
Ze swjedźenskimi kemšemi bu w Drježdźanach měsac swětoweho misiona za Němsku zahajeny. Akcija wotměwa so we wjace hač 100 krajach po wšěm swěće a skónči so 23. oktobra ze swětowej misionskej njedźelu.

W Radworju wotmě so druhi raz běh wo pokal zbóžneho Alojsa. Na nim wobdźěli so něhdźe 150 běharjow, kotrež startowachu we wjace hač 20 distancach.

wjace fotow

Mjez pjatnaće kartuzianami w słowjenskim klóštrje Pleterje je tež Serb. Kóždy z nich ma swój nadawk a jónu wob lěto smědźa mniša swójbny wopyt přijimać.

wjace fotow

Pod nawodom mjezynarodnje skutkowaceje chóroweje dirigentki bu w Budyšinje duchowny oratorij znowa předstajeny. Komponist, kotryž narodźi so před 200 lětami, wužiwaše za njón wujimki ze Stareho zakonja.

W Kulowje su wěriwi 350lětne wobstaće arcybratstwa swjateho róžowca swjećili. K tutej přiležnosći bu zdobom wustajeńca wotewrjena, kotraž je hišće hač do kónca oktobra přistupna.
Putnikowanje a Boža mša
Nyšpor a procesion po měšće
Dźěći a kubłarjo serbskeje pěstowarnje swjećachu zhromadnje z wobydlerjemi Domu swjateje Ludmile w Chrósćicach domchowanku. Za nje mějachu dźěći zdobom mału překwapjenku.

Zwjazk Carity w Drježdźansko-Mišnjanskim biskopstwje je swoje stolětne wobstaće woswjećił. W něhdźe 200 zarjadnišćach angažuje so wjace hač 9.000 hłowno- a čestnohamtskich sobudźěłaćerjow.

Zhromadnje ze sobuputnikom poda so Serb na Jakubowy puć wot portugalskeho Porta do Santiago de Compostela w Španiskej. Mjez druhim přewodźeše jeju hesło bamža Jana Pawoła II.

Tři chóry Münsterskeje chóroweje hudźby přebywaše w prěnim tydźenju oktobra w Sakskej. Mjez druhim wopytachu klóšter Marijina hwězda w Pančicach-Kukowje, hdźež zeznajomichu so tež ze znatej serbsku reju.

Swoju premjeru změje nowa serbska spěwohra „Z TOBU – Bohu swjećene lěto“ pjatk, 21. oktobra, hakle w 19 hodź. w Chróšćanskej wjacezaměrowej hali „Jednota“. Kartki za cyłkownje pjeć předstajenjow předawaja so pola časnikarja Jürgena Njeka w Chrósćicach abo online.

kartki skazać

W dekanatnym dušepastyrstwje za dźěći a młodźinu we Worklecach ma so 1. januara 2023 dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do póndźele, 24. oktobra, móžne.

dalše informacije
Dekanatne dušepastyrstwo přeprošuje wšitke dźěći, kotrež so na prěnje swjate woprawjenje přihotuja, na zhromadny dźeń srjedu, 16. nowembra, do Njebjelčic. Přizjewjenja přijimuja so hač do wutory, 1. nowembra.
k přizjewjenju
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
k přizjewjenju

Serbska protyka

wjace
Prev PostDruhi běh wo pokal zbóžneho Alojsa
Next PostKatolski Posoł – 9. Oktober 2022