Katolski Posoł – 8. oktobra 2023
Stare israelske modlitwy poruča awtor zawodneho nastawka. A wón rozłoži, čehodla sćenje tuteje njedźele kóždeho čłowjeka potrjechi.
Němscy biskopja wobzamknychu na swojej plenarnej konferency, što chcedźa najebać wobmyslenjow z Vatikana hišće lětsa činić. Drježdźansko-Mišnjanski biskop pokaza na dimensiju duchowneho znjewužiwanja.
Bamž Franciskus je swój spis „Wo klimowej krizy“ wozjewił. Němscy biskopja so k tomu wuprajeja.
Swjaty wótc je w Romje swětowu synodu zahajił. Při tym je wiziju do přichoda zwuraznił, wobdźělnikam synody pak tež něšto napołožił.
Katolska cyrkej ma nětko 21 kardinalow wjace. Bamž Franciskus wšěm z nich poruči, kak měli woni skutkować.
W Magdeburgu su nowy klóšter poswjećili. W nim bydla tuchwilu štyrjo mniša rjadu, kotrehož załožićel bě w swojich poslednich žiwjenskich lětach arcybiskop tohole města.
Z cyrkwje, kotraž bu 2021 profanizowana, nasta nětko lěkarska praksa. Tójšto Serbow je w tutym domje hižo přenocowało, wjetšina z nich po puću stajnje jenož jednu nóc.
Chróšćanscy wosadni móža swoju ponowjenu cyrkej bórze zaso za Bože słužby wužiwać. Do toho pak su zajimcam staw před poslednjej wulkej etapu pokazali.
Pomnik žiweje serbskeje rěče a hłuboko zakorjenjeneje wěry, tradicije a mjezsobneje zhromadnosće mjenuje recensent dwurěčnu knihu „Mór a lubosć“. Wón tež přeradźa, što je jemu do woči sapało. Zajimcy móža sej knihu pola časnikarja Jürgena Njeka kaž tež w Zahrodnikec pjekarni w Chrósćicach, w apotece w Pančicach-Kukowje, w Smochčanskim kubłanišću swjateho Bena, w redakciji Katolskeho Posoła w Budyšinje kaž tež pola Rafaela Ledźborja w Ralbicach kupić.
Drježdźansko-Mišnjanske biskopstwo chce hospodarske kompetency Smochčanskeho kubłanišća swjateho Bena spěchować. Tohodla ma wone wotnětka jednaćela za ekonomiski nawod domu.
Ryćerski běše kónc septembra zaćah do Drježdźanskeje katedrale. Woni mějachu so po lětstotki trajacej tradiciji jednoho rjadu.
Wón běše dołholětny dušepastyr studentow a medijowy profi. Monsignore Eberhard Prause je 85lětny zemrěł.
Tři serbske dźěći spěwaja z rodźenym Nigerjanom Silasom Edwino. Projekt singOUT wabi w Drježdźanach 500 wosobow do jeničkeho chóra.
Dźěći 1. a 2. lětnika běchu do Worklečanskeho Don Boskoweho domu prošene. Přizjewili pak su wo wjace hač maja tam městnow.
W Budyšinje swjećachu Božu mšu z biskopom na jara njewšědnym městnje. Na njej spominachu na 25lětne wobstaće kubłanišća w nošerstwje biskopstwa.
„Biskop Cajus“ a kapłan Florian Mróz běštaj we Worklečanskim horće. Tam su wosebity nyšpor swjećili a tójšto sami přihotowali.
Pod hesłom „Orgel meets Rock“ wotměje so njedźelu, 8. oktobra, we 18.00 hodź. dalši koncert w rjedźe duchowneje hudźby w Budyskej tachantskej cyrkwi. Zaklinča wšelake hudźbne stile, kotrež nawjazuja na tradicionelnu pišćelowu hudźbu, ale so tež přez wliwy kaž rock, jazz abo pop dale wjedu.
Předstajenje hry „Mór a lubosć“ móža sej zajimcy wotnětka jako film wobhladać. Wón je w interneće přistupny.
Worklečanske młodźinske dušepastyrstwo přewjedźe tež klětu zaso za zajimcow kurs JULEICA. Wukubłanje wobsteji z dweju dźělow a wotměje so stajnje wot pjatka do njedźele, 2. do 4. februara, kaž tež wot 26. do 28. apryla, w Smochćicach, tam z přenocowanjom. Zajimcy měli so nimo toho na kursu prěnjeje pomocy wobdźělić. Tón budźe sobotu, 2. měrca, we Worklečanskim Don Boskowym domje. Přizjewjenja přijimuja online.
Serbska protyka
