Katolski Posoł – 7. apryla 2024
Wo poslednjej składnosći we wšěch žiwjenskich situacijach pisa serbski duchowny w swojim zawodnym nastawku. Při tym tohorunja naspomnja, čehodla móže křesćan najebać wužadace časy połny dowěry do přichoda zhladować.
Wjelelětny prezident Centralneho komiteja katolikow Němskeje (ZdK) Hans Joachim Meyer je wulki pjatk 87lětny zemrěł. Za čas swojeho mnohostronskeho skutkowanja běše wón wěsty čas tež za Serbow přisłušny a so za jich naležnosće zasadźowaše.
Bamž Franciskus je jutry swět naležnje k měrej namołwił. Křižowy puć při Romskim Koloseju modlachu drje so lětsa wospjet bjez njeho, za to pak z nowostku.
Mnoho serbskich a němskich swójbow kročeše wulki pjatk tež w Budyšinje zhromadnje křižowy puć. K zwobraznjenjam dohromady sydom stacijow připołožichu při kóždej z nich mały předmjet.
Lětuše jutry we Łužicy su přewažnje pozitiwny zaćišć zawostajili. Dohromady je 1.380 křižerjow poselstwo wo Zrowastanjenju Jězusa Chrystusa wozjewjało.
Emeritowany biskop z Južnoafriskeje diecezy je wot bołmončki do jutrowneje póndźele Saksku wopytał. Jutrońčku je sej tohorunja křižerjow wobhladał a jich z narěču w jich maćeršćinje postrowił.
W Róžeńće swjećachu křižerjo jutrownu wutoru swoju dźaknu Božu mšu. W swojim prědowanju serbski duchowny mjez druhim rjekny, što so stanje, hdyž Bohu w swojim žiwjenju městno skićiš.
Jako mali křižerjo su tež lětsa zaso dźěći serbskeje wsy jutrowne poselstwo wozjewjeli. Za chorhojomaj njesechu křiž z wosebitej stawiznu.
Jako wučerka, lektorka, jednaćelka a předsydka je wona wot młodych lět na dobro Serbow skutkowała. Tele dny smě Ludmila Budarjowa na 75 žiwjenskich lět zhladować.
Syła młodych swójbow Radworskeje wosady modleše so w Bronju zhromadnje křižowy puć. Z njeho smědźachu sej dźěći na kóncu tež něšto sobu wzać.
Wulkeho zajima dla je spirituelna zwukowa instalacija „Lubowany“ w Rakečanskej ewangelskej cyrkwi dlěje přistupna, a to hač do njedźele, 14. měrca. Boži dom je wšědnje wot 9.00 do 20.00 hodź. wotewrjeny.
W lětušej jutrownej wustajeńcy Budyskeho Serbskeho muzeja, kotraž budźe wot njedźele, 17. měrca, hač do njedźele, 5. meje přistupna, wěnuja so zaso nałožkam a tradicijam Serbow wot zeleneho štwórtka hač k jutrońčce.
