![](https://www.posol.de/wp-content/uploads/2022/11/2022-11-06__INTERNET-predloha-titul__135__-850x580.jpg)
Katolski Posoł – 6. nowembra 2022
Wo naležnosćach, kotrež scyła samozrozumliwe njejsu, pisa awtor w swojim zawodnym nastawku. Zdobom wón zwuraznja, kotru liniju njeměli sej Serbja a serbscy wěriwi přetorhnyć dać a za čo měli so angažować.
![](https://www.posol.de/wp-content/uploads/2022/11/01.jpg)
Bamž Franciskus je demisiju Bambergskeho arcybiskopa Ludwiga Schicka přiwzał. 24 lět běše tón zdobom čłon Němskeje biskopskeje konferency, z toho 15 lět předsyda komisije swětoweje cyrkwje.
![](https://www.posol.de/wp-content/uploads/2022/11/02.jpg)
Mandźelskaj, pola kotrychž jedyn partner wěriwy njeje, mataj so po woli katolskich biskopow přiwšěm w cyrkwi witanaj čuć. K tomu je Němska biskopska konferenca nowu dźěłowu přiručku wudała.
![](https://www.posol.de/wp-content/uploads/2022/11/03.jpg)
W katedrali španiskeho města Salamanca wotewrichu wustajeńcu z „hyperrealistiskim“ awtentiskim napodobnjenjom Chrystusoweho ćěło z lateksa a silikona. Při tym złožuja so na Turinski smjertny rub.
![](https://www.posol.de/wp-content/uploads/2022/11/04.jpg)
Mnozy pomocnicy su ławki a wšo pohibliwe z Chróšćanskeje cyrkwje wurumowali. Hač do klětušeje nazymy Boži dom wotnutřka wobšěrnje ponowjeja.
![](https://www.posol.de/wp-content/uploads/2022/11/05.jpg)
We Wotrowje poswjeći serbski duchowny nowy modlerski stołp k česći swjateho, kotryž je mjez druhim patron blidarjow. Na stołpje su tři citaty ze Stareho zakonja zafrezowane, kiž je sej wobsedźer ležownosće w přibližnje 40lětnej čestnohamtskej słužbje sobu zbližił.
![](https://www.posol.de/wp-content/uploads/2022/11/06.jpg)
Wjace hač 1.500 přihladowarjow je sej spěwohru „Z TOBU – Bohu swjećene lěto“ wobhladało. Na poslednim z pjeć předstajenjow počesći serbski duchowny sobuskutkowacych a jim něšto dari.
![](https://www.posol.de/wp-content/uploads/2022/11/09.jpg)
Wjeršk jubilejneho lěta na česć Handrija Zejlerja a Korle Awgusta Kocora běše serbski spěwanski swjedźeń w Budyskej „Krónje“. Na nim wobdźěli so dohromady 14 chórow z něhdźe 350 spěwarjemi.
![](https://www.posol.de/wp-content/uploads/2022/11/08.jpg)
W Budyskej tachantskej cyrkwi swjateho Pětra wotmě so poslednje zarjadowanje jubilejneho lěta na česć Handrija Zejlerja a Korle Awgusta Kocora. Ekumeniski nyšpor wuhotowa nimale sto spěwarjow najwšelakorišich serbskich chórow pod nawodom Judith Kubicec.
![](https://www.posol.de/wp-content/uploads/2022/11/07.jpg)
Woblubowane wodźenje po parku Smochčanskeho kubłanišća swjateho Bena móža wopytowarjo a zajimcy wotnětka kóždy čas dožiwić. Z pomocu awdijoguida na šmóratkach móža so na kulturnohistoriske a botaniske pućowanje po sydom lětstotkach podać.
![](https://www.posol.de/wp-content/uploads/2022/11/12-1.jpg)
Ze „systemiskim widom“ zhladuje katolski farar na žiwjensku woprawdźitosć. Njezłožuje so jenož na jednotliweho čłowjeka, ale na system, w kotrymž je něchtó žiwy. K tomu poskićuje hišće dwójce přednošk w Chróšćanskej wosadźe.
![](https://www.posol.de/wp-content/uploads/2022/11/10.jpg)
Čehodla swjećimy poprawom kermuše? Z tutym prašenjom zaběrataj so Hańžka a Feliks. Zdobom čaka na dźěći memory, při kotrymž maja patronow serbskim wosadam přirjadować.
![](https://www.posol.de/wp-content/uploads/2022/11/11.jpg)
Hotowarniče serbskeje katolskeje narodneje drasty su na zhromadne zetkanje přeprošene. Wone wotměje so štwórtk, 10. nowembra, w Chrósćicach.
![](https://www.posol.de/wp-content/uploads/2022/11/14.jpg)
Seminar k přihotej na sakrament mandźelstwa wotměje so pjatk a sobotu, 25. a 26. nowembra, w Smochčanskim kubłanišću swjateho Bena. Přizjewjenja přijimuja hač do srjedy, 16. nowembra, online.
![](https://www.posol.de/wp-content/uploads/2022/11/13.jpg)
![](https://www.posol.de/wp-content/uploads/2022/10/DSC_1679.jpg)
Z podpěranjom ponowjenja Baćońskich pišćelow chce Towarstwo Cyrila a Metoda z.t. (TCM) wšěch katolskich Serbow znowa do zhromadneho skutka wjesć. Ze swojej akciju „Łužica pomha“ chce nimo toho za Caritu w Ełku wěcne dary zběrać.
![](https://www.posol.de/wp-content/uploads/2022/10/15.jpg)
„Wzajomnje so zrozumić – partnersce komunikować“ rěkatej kursaj za pory, kotrež chcedźa swój poćah skrućić. Wonej wotmějetej so wot pjatka do njedźele, prěni wot 25. do 27. nowembra, druhi klětu wot 13. do 15. januara, w Smochčanskim kubłanišću swjateho Bena. Zajimcy měli so hač do pjatka, 11. nowembra, respektiwnje 3. januara online přizjewić.
![](https://www.posol.de/wp-content/uploads/2022/10/09-1.jpg)
![](https://www.posol.de/wp-content/uploads/2022/09/09-1.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)