Katolski Posoł – 5. februara 2023

němsce >>>

W aktualnym wudaću nańdźeće mjez druhim tole:​

Wo prawej měrje žiwidła, wo kotrymž pisa sćenik Matej w ewangeliju tuteje njedźele, rozmysluje awtor w swojim zawodnym nastawku. Při tym wón tež pokaza, čehodla je runje tónle srědk za křesćana wažne.

W rozmołwje z wulkej němskej nowinu kritizowaše předsyda katolskeje Němskeje biskopskeje konferency stil bamža Franciskusa. Přesłapjeny je tež romskeho stejišća k skandalej znjewužiwanja dla.

Pomnik swjateju Cyrila a Metoda pola Smochćic bu wobškodźeny. Policija z toho wuchadźa, zo jedna so wo njeskutk a zo njeje to sćěh wichorojteho wjedra.

wjace fotow
Wěriwi etniskeje mjeńšiny w Južnym Tirolu móža wotnětka nowy wosadnik wužiwać. W přirunowanju ze serbskim kěrlušnikom pak njewužiwaja jón tam we wšitkich wosadach.
Něhdźe 120 dźěći běše sej w Njebjelčicach natočene premjerne předstajenje spěwohry „Z Tobu – Bohu swjećene lěto“ wobhladało. Při tym knježeše kinowa atmosfera. Za projekt su dalše plany předwidźane.
Po 23 lětach je skutkowanje oratorija swjateho Filipa Nerija w Smochćicach zakónčene. W małej ceremoniji wotewzachu w tamnišim kubłanišću swjateho Bena tafličku ze sćěny.
wjace fotow
„Bibliske mysle w Šwjelowych dźenikach: Zaznawanje woprawdźitosće přez ewangelskeho duchowneho“ rěka přinošk serbskeho awtora w lońšim druhim čisle wědomostneho časopisa Clavibus Unitis. Publikacija wuchadźa w Praze.
k přinoškej
cyłkowne wudaće

Na wopomnjenskim dnju a 80. posmjertninach zbóžneho martrarja Alojsa Andrickeho, pjatk, 3. februara, su we 18.30 hodź. swjedźenske kemše w ródnym Radworju. Hižo we 18 hodź. budźe biskop Heinrich Timmerevers w Drježdźanskej katedrali pontifikalne kemše swjećić. Wone wusyłaja so w interneće.

livestream

Po dwulětnej přestawce wotmě so w internaće Budyskeho Serbskeho gymnazija zaso domyswjećenje. Te běchu šulerjo sobu přihotowali a wuhotowali.

Što maja powołanja w bibliji z póstnicami činić, wo tym rozprawjatej Hańžka a Feliks. Zdobom dźěći zhonja, kotry pozadk tele hejsowanje ma.

Za nowu wustajeńcu wo katolskich Serbach pod hesłom „Čej’ da sy?“ w Budyskim Serbskim muzeju chcedźa fotowu přehladku w podobje kaleidoskopa zhotowić. Hač profi abo lajk – kóždy móže swój foto zapodać. Wón měł to, štož wobydlerjow wosrjedź katolskich Serbow doma być da, kaž ludźi, emocije, romantiske blečki, žiwjenje swjatk a pjatk, wotbłyšćować.
dalše informacije

Zajimcy, kotřiž chcyli pastoralnu słužbu we wosadźe wukonjeć, móža lětsa nazymu wukubłanje na wosadneho referenta zahajić. Do móžneho požadanskeho procesa wotměje so orientaciska rozmołwa.

dalše informacije
Klětu nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Požadanja přijimuja tam hač do soboty, 30. apryla.
dalše informacije
Hornjołužiski zwjazk Carity z.t. w Budyšinje pyta k najblišemu móžnemu terminej wosobu za poradźowanje samodruhich kaž tež wosobu, kotraž chcyła w zarjadnistwje zwjazka dźěłać. Po žadanja přijimuja online, z póštu abo z mejlku.
poradźowanje samodruhich
zarjadnistwo

Na katolskej žurnalistiskej šuli ifp w Mnichowje zahaji so nazymu nowy lětnik dwulětneho žurnalistiskeho wukubłanja. Požadanja přijimuja hač do srjedy, 1. měrca.

dalše informacije
Pod hesłom „Pój, wjesel so!“ přeprošuje Dekanatne dušepastyrstwo za dźěći šulerjow 1. a 2. lětnika na zhromadny dźeń do Don Boskoweho domu we Worklecach, kotryž wotměje so wutoru, 14. februara. Zajimcy měli so hač do njedźele, 5. februara, online přizjewić.
přizjewić so

Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. Štóž chcył wukubłanje absolwować, měł so pola hospicneje słužby Carity w Kamjencu přizjewić.

wjace informacijow

Serbska protyka

wjace
Prev PostKatolski Posoł – 29. Januar 2023
Next PostWobškodźeny pomnik swjateju Cyrila a Metoda