![](https://www.posol.de/wp-content/uploads/2024/03/2024-03-03__INTERNET-predloha-titul__135__-850x580.jpg)
Katolski Posoł – 3. měrca 2024
Poćahujo so na ewangelij tuteje njedźele pisa awtor zawodneho nastawka mjez druhim wo skutku, kotryž so Bohu njespodoba. Wón pak křesćanow tež k tomu pohnuwa, za to so dźakować, štož je Bóh jim dawno hižo do rukow a do wutroby połožił.
![](https://www.posol.de/wp-content/uploads/2024/03/01-1.jpg)
Křesćenjo njeměli wěste strony wolić. W tym su sej katolscy biskopja w Němskej přezjedni. To pak njebě jenička łoskoćiwa tema nalětnjeje plenarneje konferency w Augsburgu.
![](https://www.posol.de/wp-content/uploads/2024/03/02-1.jpg)
Wo přisłowje a jeho zwisku z ewangelijom tuteje njedźele pisa awtor w swojim zhladowanju k třećej póstnej njedźeli. Mjez druhim wón rozłoži, na čim so Boža lubosć njeměri.
![](https://www.posol.de/wp-content/uploads/2024/03/03-1.jpg)
„Wy sće sól zemje“ rěkaše hesło prěnjeho póstneho seminara w Smochčanskim kubłanišću swjateho Bena. Hósć wječora, abt Nikodemus Schnabel z Jerusalema, mjez druhim rozłoži, što to za jeho skutkowanje we wójnskej kónčinje woznamjenja.
![](https://www.posol.de/wp-content/uploads/2024/03/04-1.jpg)
W Pólskej zhladowaše duchowny, kotryž je před wjace hačlětdźesatkomaj tři lěta we Łužicy skutkował, na 35. róčnicu swojeje měšniskeje swjećizny. Na swjatočnej Božej mši wobdźěli so tež skupina Serbow.
![](https://www.posol.de/wp-content/uploads/2024/03/05-1.jpg)
Wo poćežowacych kamjenjach a kak móža z nich pomjatne kamjenje nastać rozmyslowachu wobdźělnicy kubłanskeho dnja za dźěći we Worklecach. Zdobom kročachu a modlachu so zhromadnje křižowy puć po wsy.
![](https://www.posol.de/wp-content/uploads/2024/03/06-1.jpg)
Po wjacelětnej přestawce je so dekanatny kružk młodźiny w Zhorjelcu zaso ke klawsurnemu posedźenju zešoł. Mjez druhim přihotowachu zarjadowanja młodźiny.
![](https://www.posol.de/wp-content/uploads/2024/03/08-1.jpg)
Zabyta tradicija póstneho časa ma něšto z hodami zhromadneho. Wona nasta něhdy jako „biblija k wobhladanju“ za ludźi, kotřiž njemóžachu čitać a pisać.
![](https://www.posol.de/wp-content/uploads/2024/03/09.jpg)
Wo Jězusowym ćerpjenju kaž tež ličenju hodźin w jeho dobje pisataj Hańžka a Feliks. W přehledźe dźěći dale zhonja, zo móže najwažniši symbol křesćanow wšelake formy měć a što wone woznamjenjenja. A w hódančku móža so dźěći bliže z křižowym pućom zaběrać.
![](https://www.posol.de/wp-content/uploads/2024/03/10-1.jpg)
Bože narodki, kotrež předstajeja Jězusowu smjerć a jeho zrowastanjenje, su hišće hač do soboty, 6. apryla, w Putniskej hospodźe w Hirschfeldźe wustajene. Wobhladać móža sej zajimcy pasionsku wustajeńcu jeničce we wobłuku wodźenjow. Wone wotměwaja so stajnje po sobotach w 14.00 hodź. Skupiny, wobstejacy z wjace hač sydom wosobow, móža sej tež swójske terminy dojednać.
![](https://www.posol.de/wp-content/uploads/2024/03/11-1.jpg)
Wosebitu konferencu k cyrkwinskim stawiznam móža zajimcy srjedź měrca w Budyšinje wopytać. Na njej budu referenća tež wo serbskich temach přednošować.
![](https://www.posol.de/wp-content/uploads/2024/02/09-2.jpg)
Pod hesłom „Wujednaj so!“ wotměje so za šulerjow 6., 7. a 8. lětnika sobotu, 23. měrca, zhromadny dźeń w Don Boskowym domje we Worklecach. Na tym dnju wobsteji móžnosć, sakrament wujednanja přijimać. Přizjewjenja su hač do póndźele, 18. měrca, online móžne.
![](https://www.posol.de/wp-content/uploads/2024/03/12-1.jpg)
Dekanatne dušepastyrstwo za dźěći zarjaduje za šulerjow 1. a 2. lětnika w jutrownych prózdninach zhromadny dźeń w Don Boskowym domje we Worklecach. Wón steji pod hesłom „Chryst z mortwych stanył je“. Wobdźělić móža so dźěći pak srjedu, 3. apryla, abo štwórtk, 4. apryla, stajnje wot 9.00 do 15.00 hodź. Přizjewjenja přijimuja online hač do njedźele, 24. měrca.
![](https://www.posol.de/wp-content/uploads/2024/03/13-1.jpg)
Dekanatna młodźina je w póstnym času na zhromadne wječorne modlenja přeprošena. Přichodne tajke wotměje so sobotu, 9. měrca, w Kulowje. Po tym zahraja sej hry a sportuja wobdźělnicy w tamnišim Třělcowskim domje.
![](https://www.posol.de/wp-content/uploads/2024/02/06-4.jpg)
„Dokal tež dźeš, Bóh tu hižo
je“ rěka hesło druheho wječora
w rjedźe Ekumeniskeho póstneho seminara w Smochćicach póndźelu, 4. měrca, w 19.30 hodź. Referent budźe propst Benno Schäffel z Kamjenicy.
![](https://www.posol.de/wp-content/uploads/2024/01/05a.jpg)
Hornjołužiske telefonowe dušepastyrstwo přeprošuje na rjad přednoškow wo depresijach, prewenciji přećiwo suicidej, samoće a psychiskej strowoće. Wón steji pod hesłom „Njejsy sam“ a wotměje so wotměnjejo w Šěrachowje a Kamjencu.
![](https://www.posol.de/wp-content/uploads/2024/02/07aa.jpg)
Młodźinske dušepastyrstwo přeprošuje młodostnych sej zhromadnje dźiwadłowu hru „Na tamnym boku měsačka – HERCY“ wobhladać, a to sobotu, 6. apryla, w 19.30 hodź w Budyskim Němsko-Serbskim ludowym dźiwadle. Kartku dóstanu
młodostni za potuńšenu płaćiznu pjeć eurow. Přizjewjenja přijimuja hač do póndźele, 11. měrca, online.
![](https://www.posol.de/wp-content/uploads/2024/02/08-1.jpg)
Hornjołužiski zwjazk Carity pyta k najblišemu móžnemu terminej za swoju dnjowu hladarnju we Worklecach přidatnu hladansku wosobu. Wobmjezowane dźěłowe zrěčenje je na minimalnje 20 hodźin wupisane, zwyšenje hodźin a podlěšenje zrěčenja pak je móžne.
![](https://www.posol.de/wp-content/uploads/2024/02/09.jpg)
Dekanatne dušepastyrstwo za dźěći přeprošuje šulerki a šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot póndźele do pjatka, 8. do 12. julija. Přizjewjenja přijimuja hač do njedźele, 31. měrca, online.
![](https://www.posol.de/wp-content/uploads/2023/12/13.jpg)
Nowu spirituelnu zwukowu instalaciju k temje „Lubowany“ móža wopytowarjo w Rakečanskej ewangelskej cyrkwi dožiwić. Wuwił a zwoprawdźił je ju znowa komponist Norbert Binder z podpěru tamnišeho Pawołskeho chóra. Swětłowe efekty hudźbu wizuelnje podkładu.
![](https://www.posol.de/wp-content/uploads/2024/02/11.jpg)
Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. K tomu trěbnu wědu posrědkuje w zakładnym kursu, kotryž wotměje so wot 20. měrca hač do 4. meje trójce srjedu kaž tež štyri króć sobotu.
![](https://www.posol.de/wp-content/uploads/2024/01/06-2.jpg)
Pastyrske słowo biskopa Heinricha k jutrownemu pokutnemu časej 2024
...
Hirtenwort von Bischof Heinrich zur Österlichen Bußzeit 2024
Serbska protyka
![](https://www.posol.de/wp-content/uploads/2022/06/protyka_logo_hsb.png)