Katolski Posoł – 3. julija 2022

deutsch >>>

W aktualnym wudaću nańdźeće mjez druhim tole:

Što wotpřimanaj palcaj z jednym z wuznamneju stołpow za prěni čas cyrkwje činić matej, wo tym pisa awtor w swojim zawodnym nastawku. Zdobom chce čitarjow k tomu pohnuwać, so z wosobomaj, kotrejž stej z tym měnjenej, rozestajić, a wo tym rozmyslować, što wěra do Jězu Chrysta za křesćana dźensa woznamjenja.

Bamž Franciskus je Drježdźansko-Mišnjanskeho biskopa Heinricha Timmereversa k priwatnej awdiency we Vatikanje přijał. Swjaty wótc jeho mjez druhim w tym posylni, „zmužiće so změnam w cyrkwi wěnować a zdobom radosć wěry ze swětom dźělić“.

Němska biskopska konferenca a Drježdźansko-Mišnjanske biskopstwo stej cyrkwinsku statistiku za lěto 2021 wozjewiłoj. W njej napadnje jedna ličba, kotraž je dotal najwyši staw docpěła.

k statistice biskopstwa
k cyłoněmskej statistice
W Njebjelčicach je serbski duchowny swój złoty měšniski jubilej woswjećił. Jako prědarja na dźaknych kemšach je sej wón toho přeprosył, kotryž prědowaše hižo na primicnych kemšach jubilara 1972.
wjace fotow
We Wotrowje woswjećichu 250. róčnicu załoženja tamnišeje wosady kaž tež poswjećenja cyrkwje. Mjez druhim zhromadźichu so wěriwi k dźaknej swjedźenskej Božej mši a předstajichu stawizny wosady a Božeho domu w swjedźenskim ćahu.
wjace fotow - štwórtk
wjace fotow - pjatk
wjace fotow - sobotu
wjace fotow - njedźelu
Pod temu „Štom“ zhromadźichu so wobydlerjo a sobudźěłaćerjo Domu swjateho Jana w Smječkecach k Božej mši składnostnje wopomnjenskeho dnja jich patrona. Na njej zhonichu, na kotre wašnje so štom ze čłowječim žiwjenjom přirunować hodźi.
Mnohe lěta je Chrysta Kilankowa z Radworja za ćichim na dobro cyrkwje skutkowała – za Radworsku wosadu a za Towarstwo Cyrila a Metoda z.t. Nětko je wona na prawdu Božu wotešła.

Hańžka a Feliks zwěsćataj, zo maja cyrkwje rozdźělne pomjenowanja. Wo kotre so při tym jedna, zhonja dźěći na dźěćacej stronje. A štóž pyta hišće cil za dnjowy wulět w prózdninach, hač doma abo w cuzbje, namaka w hódančku někotre pokiwy.

k hódančku

Smochčanske kubłanišćo swjateho Bena přeprošuje wot srjedy do njedźele, 31. awgusta do 4. septembra, na putnikowanje z kolesom. Mjez druhim wopytaja wobdźělnicy Zhorjelc, Kulow a Worklecy. Přizjewjenja přijimuja hač do srjedy, 10. awgusta, online.

wjace

Pod hesłom WERT.VOLL.LEBEN přeprošujetej Drježdźansko-Mišnjanskeho biskopstwo a Rada katolikow wšitkich wěriwych a zajimcow na prěni diecezanski wobswětowy dźeń. Wón wotměje so sobotu, 9. julija, wot 10 hodź. na centralnej deponiji w Cröbernje pola Lipska.

wjace

Serbska protyka

wjace
Prev PostKatolski Posoł – 26. junija 2022
Next PostZłoty měšniski jubilej fararja Michała Brězana