Katolski Posoł – 29. oktobra 2023
Dopominajo so na swoje dožiwjenja w dźěćatstwje kaž tež w lěkarskej čakarni rozmysluje awtor zawodneho nastawka wo ewangeliju tuteje njedźele. Zdobom wón rozłoži, što so čłowjek w křćeńcy wobleče.
Podawk lětstotka dožiwichu wěriwi na kermušnej soboće w Chrósćicach. W tamnišej dospołnje wobnowjenej cyrkwi je biskop Heinrich Timmerevers na swjedźenskej Božej mši nowy ambo, lěto profanizowany tabernakl a wołtar poswjećił.
Zastupnistwo katolskich lajkow w Sakskej a wuchodnej Durinskej je zhromadnje z Drježdźanskim biskopom Heinrichom Timmereversom Židam w kraju swoju solidarnosć zwurazniło. Na swojej nazymskej plenarnej zhromadźiznje w Smochćicach je wona wotpowědny spis wobzamknyła.
W Romje zhromadźena swětowa
synoda je srjedu, 25. oktobra,
poselstwo wšej katolskej
cyrkwi wozjewiła. List ludej Božemu je online přistupny.
Wužadanje a překwapjenka čakaše na ministrantow Radworskeje wosady. Woni wulećachu sej ze swojim wosadnym fararjom a přewodnicomaj do susodneje Čěskeje.
Na wosebity nyšpor je swójbny kružk Wotrowskeje wosady přeprosył. W srjedźišću steješe modlitwa, kotrejž je měsac oktober wěnowany.
Nadpřerězny zajim je wustajeńca wo katolskich Serbach w Budyskim Serbskim muzeju zbudźiła. Generacije su na nju wšelako reagowali.
Koho měli sej za přikład brać, wo tym pisa awtor w dalšim přinošku swojeje serije „Wěra praktisce“. Nastork k tomu datej jemu wysoki swjedźeń a wopomjatny dźeń w předposlednim měsacu lěta.
Wo tajkich a hinašich starosćach pisaše Katolski Posoł před 100 lětami. Tomu wěnowachu so tehdy tež biskopja w swojim pastyrskim lisće, kaž awtorka rubriki zwěsća.
Drježdźansko-Mišnjanski biskop Heinrich Timmerevers přija z rukow Cyrila Hančika, předsydy Towarstwa Cyrila a Metoda z.t. (TCM), knižnu dokumentaciju wo lońšim dźiwadłowym předstajenju „Mór a lubosć“. TCM běše ju w septembru wudało.
Předstajenje hry móža sej zajimcy tež jako film wobhladać. Wón je w interneće přistupny.
Modlitwa wo měr w Swjatym kraju
Dekanatne dušepastyrstwo
přeprošuje wšitke dźěći,
kotrež so na prěnje swjate
woprawjenje přihotuja,
na zhromadny dźeń srjedu,
22. nowembra, wot 9.00 do
15.00 hodź. do Njebjelčic.
Přizjewjenja přijimuja hač do srjedy, 8. nowembra,
online.
Serbska protyka
