![](https://www.posol.de/wp-content/uploads/2024/01/2024-01-28__INTERNET-predloha-titul__135__-850x580.jpg)
Katolski Posoł – 28. januara 2024
Wo hrózbnej postawje, kotraž jewi so w ewangeliju tuteje njedźele, rozmysluje duchowny w swojim zawodnym nastawku. Zdobom pak wón na to pokazuje, zo posrědkuje samsny bibliski tekst tež tróštne poselstwo.
![](https://www.posol.de/wp-content/uploads/2024/01/01-3.jpg)
K zahajenju lěta z wjacorymi wólbami do krajnych parlamentow su šesćo katolscy biskopja, kotrychž dieceza leži we wuchodnej Němskej, namołwu napisali. W nim warnuja woni před počinanjemi prawicarskich stron.
![](https://www.posol.de/wp-content/uploads/2024/01/02-1.jpg)
W Drježdźanach buštaj Serbaj z najwyšim němskim wuznamjenjenjom počesćenaj. Z tym hódnoćeše so jeju próca a angažement na dobro a za zdźerženje serbskeje rěče.
![](https://www.posol.de/wp-content/uploads/2024/01/03-2.jpg)
Z Indiskeje pochadźaca sotra klarisow je kermušnu njedźelu w Budyskim klóšterku swoju slěbornu profes swjećiła. Zdobom počesćichu ju ze šnóru z wosebiteho drjewa, kotraž je w jeje domiznje znate.
![](https://www.posol.de/wp-content/uploads/2024/01/04-3.jpg)
W nowej dźiwadłowej inscenaciji móža přihladowarjo z wočimi młodostnych 1960tych lět na tehdyši swět zhladować. W februaru dožiwi kruch, kotryž inscenuja składnostnje mjezynarodneho europskeho projekta mjeńšinowych dźiwadłow „phōnē-Giving minority languages a voice“, swoju prapremjeru.
![](https://www.posol.de/wp-content/uploads/2024/01/06-3.jpg)
Mjez druhim wo „Krótkim pastyrskim słowje“ biskopa Christiana Schreibera pisaše Katolski Posoł před 100 lětami. W nim wuzběhny wyši dušepastyr tež wažnosć serbskeho katolskeho časopisa.
![](https://www.posol.de/wp-content/uploads/2024/01/07a.jpg)
Ze swjedźenskimi kemšemi a procesionom po kěrchowje swjećachu wěriwi w Chrósćicach wopomnjenski dźeń swjateho Bosćana. Na swojej lětušej zhromadźiznje po nyšporje wuzwolichu čłonojo tamnišeho Bratstwa swjateho Bosćana tež nowe předsydstwo.
![](https://www.posol.de/wp-content/uploads/2024/01/08-3.jpg)
Wobsah Katolskeho Posoła lěta 2023 je dozestajany. Wšitcy, kotřiž chcedźa sej lětnik wjazać dać a wobsah sobu zapřijeć, móža sej dataju w formaće pdf tule wućišćeć.
![](https://www.posol.de/wp-content/uploads/2024/01/09-2.jpg)
W Smochčanskim kubłanišću swjateho Bena wotměje so tež lětsa Ekumeniski póstny seminar. Wón steji tónraz pod hesłom „Nadal dosć městna – W kotrej měrje je cyrkej za towaršnosć trěbna?“ a zahaji so póndźelu, 26. februara.
![](https://www.posol.de/wp-content/uploads/2024/01/05a.jpg)
Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. K tomu trěbnu wědu posrědkuje w zakładnym kursu, kotryž wotměje so wot 20. měrca hač do 4. meje trójce srjedu kaž tež štyri króć sobotu.
![](https://www.posol.de/wp-content/uploads/2024/01/06-2.jpg)
Pod hesłom „Chwalić – Dźakować – Dźiwać so“ přeprošuje Smochčanske kubłanišćo swjateho Bena wowki a dźědow z jich wnučkami na zhromadne dny w zymskich prózdninach. Zarjadowanje budźe wot póndźele do pjatka, 19. do 23. februara.
![](https://www.posol.de/wp-content/uploads/2024/01/07-2.jpg)
Towarstwo Cyrila a Metoda přihotuje změnu swojich wustawkow. Wo nich ma so na hłownej zhromadźiznje pjatk, 9. februara, w Baćonju diskutować. K přirunowanju su paralelnje dotalne, kónc lěta 1998 wobzamknjene wustawki z nowym namjetom wozjewjene.
![](https://www.posol.de/wp-content/uploads/2024/01/08-1.jpg)
Dekanatne dušepastyrstwo za dźěći přeprošuje šulerki a šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot póndźele do pjatka, 8. do 12. julija. Přizjewjenja přijimuja hač do njedźele, 31. měrca, online.
![](https://www.posol.de/wp-content/uploads/2023/12/13.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)