Katolski Posoł – 25. junija 2023
Wo dožiwjenju, kak je něchtó swoju wěru wuznał, pisa awtorka w swojim zawodnym nastawku. Tole ju pohnu, wo słowach ewangelija tuteje njedźele rozmyslować.
Na Klóšterskim a swójbnym swjedźenju Budyskeho wokrjesa w Pančicach-Kukowje bu nowa kniha wo katolskim serbskim miljeju prezentowana. Wona přeprošuje k tomu, sej wobraz wo swojej identiće stworić.
Wón je symješko wusył, sej něšto zwažił a wiziju zwoprawdźił: Tule njedźelu dokónči šefredaktor Katolskeho Posoła farar Michał Anders 70. žiwjenske lěto.
Biskop Heinrich Timmerevers mjenowaše klóšter Marijinu hwězdu „městno přitomnosće Boha“. K zahajenju klóšterskeho a swójbneho swjedźenja swjećeše wón Božu mšu, na kotrejž zdobom na załoženje klóštra před 775 lětami dopominachu.
Pod nawodom Friedemanna Böhme koncertowaše chór 1. serbskeje kulturneje brigady Budyskeho Serbskeho gymnazija w klóšterskej cyrkwi w Pančicach-Kukowje. Wopytowarka pisa w swojim přinošku, kak je wustup dožiwiła.
Skupina Serbow poda so njedawno na kubłansku jězbu do kónčiny, hdźež so Sakska z Bayerskej a Čěskej trjechi. Přeprosyło běše na nju Towarstwo Cyrila a Metoda z.t.
Za swětowu synodu lětsa w oktobru wozjewi Vatikan nětko dźěłowu papjeru pod hesłom „Instrumentum laboris“ (dźěłowy instrument). Wona njewobsahuje žane konkretne předłohi k wobzamknjenju, ale pomjenuje ćežišća, wo kotrychž měło so debatować.
Njeměram w kraju wěnowaše so Katolski Posoł před 100 lětami. Zdobom pisachu wo poswjećenju kapałki małeje serbskeje wsy, kotraž je so hač do dźensnišeho zdźeržała.
Pod hesłom „Štó je mój bliši?“ putnikowachu dźěći Zhorjelskeho biskopstwa do Róžanta. Po puću přewodźachu je tři wobrazy.
Dekanatne dušepastyrstwo młodźiny we Worklecach přeprošuje wšitkich młodostnych wot 8. lětnika kaž tež młodych dorosćenych na seksualnopedagogisku dźěłarničku WaageMut®. Wona wotměje so sobotu, 9. septembra, na „Radlubinje“ w Ralbicach. Přizjewjenja přijimuja hač do wutory, 8. awgusta.
Smochčanske kubłanišćo swjateho Bena a Serbski ludowy ansambl přeprošujetej pjatk 30. junija, a sobotu, 1. julija, na Smochčanski hudźbny swjedźeń pod hesłom „Pólskej nocy“. Na woběmaj wječoromaj wustupja orchester, chór a balet Serbskeho ludoweho ansambla zhromadnje z pólskej folklornej brassband Bubliczki.
Na putnikowanje z kolesom přeprošuje Smochčanske kubłanišćo swjateho Bena wšitkich zajimcow wot njedźele, 24. septembra, do njedźele, 1. oktobra. Nawod změjetaj farar Thomas Cech ze Žitawy a Alojs Rječka z Łužnicy.
Serbska protyka
