![](https://www.posol.de/wp-content/uploads/2023/12/2023-12-24__INTERNET-predloha-titul__135__-850x580.jpg)
Katolski Posoł – 24. decembra 2023
Wšitkim čitarjam, dopisowarjam, roznošowarjam a dobroćelam Katolskeho Posoła kaž tež wužiwarjam našeje internetoweje strony www.posol.de přejemy žohnowane hody a strowe nowe lěto 2024.
Redakcija
Přichodne čisło Katolskeho Posoła wuńdźe 7. januara 2024.
W aktualnym wudaću nańdźeće mjez druhim tole:
Wo hodownej Božej mši na njewšědnym městnje pisa duchowny w swojim zawodnym nastawku. Mjez druhim wón rozłoži, čehodla je tajke kemše poskićił a k čemu chce wón z nimi pohnuwać.
![](https://www.posol.de/wp-content/uploads/2023/12/01-5.jpg)
We Vatikanje bu prěni kardinal w cyrkwinskich stawiznach wot jeho justicy k jatbje zasudźeny. Jemu a dalšim wobskorženym wumjetuja mjez druhim inwesticije do imobilije, při kotrejž wjele pjenjez přisadźichu.
![](https://www.posol.de/wp-content/uploads/2023/12/02-4.jpg)
Klóšter klarisow wěčneje adoracije w Budyšinje nastaja so na zasahowace změny. Sotry, kotrež zhromadnosći přisłušeja, so aktualnje z rozsudom wo swojich perspektiwach do přichoda zaběraja. Wužiwaja pak tež pomoc takrjec wotwonka.
![](https://www.posol.de/wp-content/uploads/2023/12/03-4.jpg)
Boži narodk na skerje njeidyliskim městnje předstaja mólba, kotrejž wěnuje so serbski duchowny w swojim hodownym wobrazowym rozmyslowanju. Zhotowił bě ju italski mnich za Florentinsku swójbu. Mjeztym je wona za wšěch w Berlinskej Galeriji mólbow přistupna.
![](https://www.posol.de/wp-content/uploads/2023/12/04-4.jpg)
Nazhonjenja, kotraž młoda Bołharka jako statnje připóznata hladarka w Kamjenskej hladarni swjateje Moniki zběra, wona hižo nětko w swojej domiznje dale dawa. Z podpěru Gerata Róbla a Towarstwa swjateje Filomeny móžeše wona zdobom swoje wukubłanje w Kamjencu absolwować.
![](https://www.posol.de/wp-content/uploads/2023/12/05-4.jpg)
Skupina PoŠtyrjoch a dalše ćělesa su beneficny koncert w Jaseńcy wuhotowali. Wunošk koncerta přewostaja na dobro projekta biskopa Clemensa Pickla w jeho ruskej Saratovskej diecezy.
![](https://www.posol.de/wp-content/uploads/2023/12/06-4.jpg)
Swój tradicionelny dohodowny koncert wuhotowa 1. serbska kulturna brigada prěni króć pod nawodom swojeje noweje dirigentki. Nimo chóra, kotryž přednjese wokalne kompozicije, wuhotowachu jón tež solisća a hudźbnicy z Budyskeho Serbskeho gymnazija.
![](https://www.posol.de/wp-content/uploads/2023/12/07-4.jpg)
Swójsku fantaziju nałožowachu dźěći tydźeń do hód na kreatiwnej dźěłarničce we Worklečanskim Don Boskowym domje. Z přihotowaneho „bifeja“ wšelakich materialijow sej wone něštožkuli spaslichu.
![](https://www.posol.de/wp-content/uploads/2023/12/08-3.jpg)
Wo myslach při natwarje Božeho narodka pisataj Hańžka a Feliks. Zdobom čaka na dźěći a cyłu swójbu hodowna kóstkowa hra, při kotrejž hrajerjo tež to abo tamne zajimawe zhonja. Předłohu je němski katolski dźěćacy časopis „Mein Regenbogen“ z Korutanskeje redakciji k dispoziciji stajił.
![](https://www.posol.de/wp-content/uploads/2023/12/09-3.jpg)
Katolski Posoł před 100 lětami pisaše mjez druhim wo próstwje biskopow na wěriwych a měšnikow. Při tym twori wažny křesćanski počink móst hač do přitomnosće. Ale tež wo wustajeńcy serbskich molerjow a njeluboznych podawkach tehdy rozprawjachu.
![](https://www.posol.de/wp-content/uploads/2023/12/11-3.jpg)
Wo nabožnym nócnym dźiwadle před 800 lětami, kotrež je swoje sćěhi zawostajiło, pisa awtor w swojim přinošku. Z tym załoži wulki swjaty cyrkwje za mnohich njeparujomnu hodownu tradiciju.
![](https://www.posol.de/wp-content/uploads/2023/12/10-2.jpg)
Skupina Chróšćanskeje wosadneje rady běše nazymu rjad pastoralnych přednoškow organizowała. Na wšitkich třoch zarjadowanjach je referentka tež wobdźělnikow aktiwnje zapřijała.
![](https://www.posol.de/wp-content/uploads/2023/12/12.jpg)
Towarstwo Cyrila a Metoda z.t. (TCM) zarjaduje sobotu, 6. januara, w 15.30 hodź. w Chróšćanskej „Jednoće“ halowy koparski turněr wo pokal TCM. Přeprošene su wosadne a wjesne cyłki młodźiny kaž tež mustwa sportowych jednotkow. Hrate budźe z třomi koparjemi a wrotarjom. Přizjewić měli so mustwa hač do srjedy, 3. januara, pola Guida Zahrodnika w Jaseńcy. Kontaktowe daty su w POWŠITKOWNYCH WOZJEWJENJACH podate.
![](https://www.posol.de/wp-content/uploads/2023/12/14.jpg)
Dekanatne dušepastyrstwo za dźěći přeprošuje šulerki a šulerjow 5. do 8. lětnika klětu w lětnich prózdninach na jězbu do Lückendorfa w Žitawskich horach. Wona wotměje so wot póndźele do pjatka, 8. do 12. julija 2024. Přizjewjenja přijimuja hač do njedźele, 31. měrca 2024, online.
![](https://www.posol.de/wp-content/uploads/2023/12/13.jpg)
Seminary k přihotej na sakrament mandźelstwa wotměja so klětu stajnje pjatk a sobotu, 16. a 17. februara, 26. a 27. apryla kaž tež 29. a 30. nowembra w Smochčanskim kubłanišću swjateho Bena. Přizjewjenja přijimuja hač do srjedy, 17. januara.
![](https://www.posol.de/wp-content/uploads/2022/11/10-2.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)