Katolski Posoł – 21. awgusta 2022

deutsch >>>

W aktualnym wudaću nańdźeće mjez druhim tole:​

Při prócowanju wo wěčne zbožo dyrbiš kaž w hrě něšto sadźić, pisa awtor zawodneho nastawka. A wón přeradźa puć, kak móžeš dobyć.
Pućowanske dopomnjenki - Jakub Nowak-Neander, 1930
W sewjernych Čechach staj Serbaj čiłu wěru nazhoniłoj. Něšto, štož staj tam dožiwiłoj, w domiznje parujetaj.
wjace fotow

Biskopa Heinricha Timmereversa fascinuja biografije mnohich wěriwych z wuchodneje Němskeje, „dokelž su tak rune“. Za lěpšinu ma, zo njebě we wuchodnej Němskej cyrkej ženje za system relewantna. To praji wón w portreće, kotryž je składnostnje jeho 70. narodnin wozjewjeny.

Hnydom dwójce změje historiska hra „Mór a lubosć“ w septembru w Chrósćicach premjeru. Wjace hač 130 wosobow předstaji žiwjenje před 600 lětami.

plakat serbsce
plakat němsce
płaćizna

Předchadnik prěnjeho diecezanskeho prezesa kolpingow běše serbski duchowny. Lětsa swjeća 100lětne wobstaće, hačrunjež su woni hižo dlěje w Sakskej aktiwni.

Powědki k smějkotanju wobsahuje nowa słuchokniha, kotraž je w Ludowym nakładnistwje Domowina wušła. Awtorka Měrana Cušcyna čita je sama.
CD
mp3
Farar dr. Daniel Dzikiewicz w litawskich Wojdatach wjeseli so, zo móže so nowa wosadnica njedźelu, 28. awgusta, poswjećić. Jeje wutwar su katolscy Serbja přez Towarstwo Cyrila a Metoda z.t. z wjace hač 30.000 eurami podpěrali. Wón přeproša wšěch, kotřiž njemóža so na městnje wobdźělić, to online činić. Ale móžno je to jeničce za tych, kotřiž su pola facebook přizjewjeni a jeničce na tym dnju wot 9 hodź.
facebookowa strona wosady we Wojdatach

Kubłanske dny serbskeje młodźiny wotměja so wot pjatka do njedźele, 23. do 25. septembra. w Schmiedebergskim Winfriedowym domje. Zajimcy měli so hač do póndźele, 5. septembra, online přizjewić.

přizjewić so
Dekanatne dušepastyrstwo młodźiny přeprošuje młodostnych ze wšěch serbskich wosadow na zhromadny wulět do Błótow, a to njedźelu, 11. septembra. Přizjewjenja přijimuja so hač do póndźele, 29. awgusta.
přizjewić so
Dwě diecezy je biskop Christian Schreiber na jeju spočatku nawjedował: Mišnjansku a Berlinsku. Mjez Serbami je dopomnjeće na njeho zaćěmnjene. Wón je so 3. awgusta před 150 lětami w Hessenskej narodźił.
informacije k seminarej
flajer
Smochčanske kubłanišćo swjateho Bena přeprošuje wot pjatka do njedźele, 14. do 16. oktobra, na tworjacy kurs „Bibliske powědace figury“. Při tym dźe wo bibliske powědace figury, kotrež mnohostronske gesty zwuraznjeja a kotrež hodźa so lochce do druheje postawy přetworić. Přeprošeni su ludźo kóždeježkuli staroby.
přizjewić so
flajer
Na katolskej žurnalistiskej šuli ifp w Mnichowje zahaji so klětu nalěto nowy kurs žurnalistiskeho wukubłanja paralelnje k studijej. Wón traje tři lěta, w kotrychž nawuknu zajimcy zakłady žurnalizma. Požadanja přijimuja hač do 20. septembra.
přizjewć so
wjace
Serbske ewangelske towarstwo a Maćijec swójba z Hrubjelčic přeprošujetej wšitkich Serbow a dalšich zajimcow na lětnje pućowanje a serbski swjedźeń. Wonej wotmějetej so sobotu, 3. septembra, wot 14.00 hodź.
wjace
Wšitcy, kotřiž chcedźa swoju wěru pohłubšić a wjace wo třoch bójskich wosobach – Wótcu, Synu a Duchu Swjatym – wuslědźić, su wot pjatka do njedźele, 2. do 4. septembra, do Smochčanskeho kubłanišća swjateho Bena přeprošeni. W zarjadowanju z titlom „BASICS – teologija skónčnje zrozumliwa: Wuznaće wěry – Bóh Wótc, Syn a Duch Swjaty“ budu so krótke impulsowe referaty z dźěłarničkami a modlenjom wotměnjeć.
wjace
W Kulowje zhladuje tamniše Arcybratstwo swjateho róžowca lětsa na 350. róčnicu swojeho załoženja. Składnostnje tutoho jubileja ma wustajeńca nastać, za kotruž móža wěriwi wosebite róžowcy abo napisane wosobinske nazhonjenja z modlenjom róžowca na tamnišej farje wotedać.
Arcybratstwo swjateho róžowca
kontakt k wosadźe
namołwa k jubilejnej wustajeńcy

Serbska protyka

wjace
Prev PostKatolski Posoł – 14. August 2022
Next PostKatolski Posoł – 21. August 2022