Katolski Posoł – 20. nowembra 2022

deutsch >>>

W aktualnym wudaću nańdźeće mjez druhim tole:​

Hdy móže wěra wužadanje być, wo tym rozmysluje awtor w swojim zawodnym nastawku. Zdobom pisa wón wo přilubjenju, kotrež płaći, hdyž so křesćenjo swojemu nadawkej wěnuja.

Němscy biskopja su so zhromadnje do Roma podali. Na wopyće ad limina rozprawjachu wo połoženju cyrkwje w swojich diecezach a wuměnjachu so ze zastupjerjemi Vatikana.

Patron steješe w srjedźišću zhromadneho dnja prěnjowoprawjenskich dźěći ze wšěch serbskich wosadow w Njebjelčicach. Mjez druhim zhotowichu sej wotpowědnu knižku a zeznachu wšelake městna Božeho domu.

wjace fotow
Wón stara so wo to, štož bu jemu dowěrjene – a to na najwšelakoriše wašnje a hač do wysokeje staroby. Tele dny woswjeći serbski duchowny swoje 80. narodniny.

Kotry zmysł ma byće? Čehodla je čłowjek žiwy? Tutym a dalšim prašenjam chce so serbski duchowny w nowej seriji „Wěra praktisce“ wěnować. W njej chce přiležnje nastorki dać, kak móhli křesćenjo we wšědnym žiwjenju, ale tež njedźelu a swjate dny po wěrje konkretnje žiwi być.

W Rakečanskej ewangelsko-lutherskej cyrkwi móža wopytowarjo hišće hač do pjatka, 25. nowembra, wosebitu zwukowu instalaciju dožiwić. Z njej zamołwići bibliski podawk na moderne wašnje spřistupnja.

wjace fotow

W Tuchorskim lěsu blisko Hornjeho Wujězda wotmě so tež lětsa zaso na pokutnym dnju dwurěčna ekumeniska nutrnosć. Wobrubichu ju dujerjo z Hodźija a Huski kaž tež němska Chróšćanska wosadna šola.

wjace fotow
Na iniciatiwu někotrych družkow poda so skupinka z Pančic-Kukowa na zhromadny wulět. Cil běše manufaktura hodownych hwězdow we wuchodnej Sakskej.
wjace fotow

W Radworju wotmě so kermušne šachowe wubědźowanje. Dobyćerjej kiwaše wospjet wosebite myto, z kotrymž chce organizator jemu wažne poselstwo sposrědkować.

W historiskich murjach w Kulowje knježeše njedawno čiłe žiwjenje. Bratrowstwo a Wojerowska župa běštej na swójbne popołdnjo přeprosyłoj a wšelake poskitki spřihotowałoj.

Njedźelu Chrysta Krala, 20. nowembra, su wšitcy młodostni na wosebity nyšpor do Chrósćić prošeni. Přizamknje so přednošk a zhromadna swačina.

Klóšter Marijina hwězda w Pančicach-Kukowje pyta za putnisku cyrkej w Róžeńće wosobu, kotraž chcyła nadawki zwóńka a rjedźerskeje mocy přewzać. Zajimcy měli so hač do srjedy, 30. nowembra, přizjewić.
wjace informacijow
Z podpěranjom ponowjenja Baćońskich pišćelow chce Towarstwo Cyrila a Metoda z.t. (TCM) wšěch katolskich Serbow znowa do zhromadneho skutka wjesć. Štóž chcył k tomu přinošować, njech přepokaza swój dar na konto TCM.
kontowe čisło TCM - hesło: Baćoń
„Wzajomnje so zrozumić – partnersce komunikować“ rěka kurs za pory, kotrež chcedźa swój poćah skrućić. Wón wotměje so wot pjatka do njedźele, 13. do 15. januara, w Smochčanskim kubłanišću swjateho Bena. Zajimcy měli so hač do pjatka, 3. januara, online přizjewić.
flyer
přizjewić so
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
přizjewić so

Serbska protyka

wjace
Prev PostKatolski Posoł – 13. November 2022
Next PostPatron w srjedźišću zhromadneho dnja prěnjowoprawjenskich dźěći w Njebjelčicach stał