Katolski Posoł – 19. meje 2024
Wo woprawdźitej wulkosći čłowjeka pisa serbski duchowny w swojim zawodnym nastawku. Wón pak tež na to skedźbnja, kotra nabožina křesćanstwo je a kak so lubosć w tym zwisku wšědnje wopokazuje.
Bamž Franciskus je na Bože spěće Swjate lěto 2025 oficialnje wuwołał. Před hišće zawrjenymi Swjatymi wrotami w Pětrowej cyrkwi, kotrež chce lětsa patoržicu wotewrić a z tym wosebite lěto zahajić, přepoda wón wšelakim zastupjerjam cyrkwje wozjewjensku bulu.
Pod hesłom „Ty dźeš sobu!“ su w Pančicach-Kukowje 18 dźěći prěnje swjate woprawjenje přijeli. Kóžde z nich je při tym něchtó přewodźał.
Moderny wołtarny wobraz wo maćeri Božej předstaja awtor w swojim přinošku. Našoł bě jón ze swójbu w Sauerlandźe.
Na putnikowanju wujednanja w čěskich Hejnicach wobdźělichu so wospjet tež mnozy Serbja. Dwě wosobje z nich běštej aktiwnje do wotběha Božeje mšě, kotruž swjećeše němski biskop, sobu zapřijataj.
W Kulowje je jědnaće dźěći na serbskej swjedźenskej Božej mši prěni raz k blidu Božemu přistupiło. Wo tym kaž tež wo zhromadnym wulěće nazajtra rozprawjatej šulerce.
Druhu mejsku sobotu su znowa chori a stari ludźo ze serbskich wosadow do Róžanta putnikowali. Na kemšach móžachu wšitcy, kiž sej to přejachu, sakrament žałbowanja chorych přijeć.
Wo najnaslědnišej wuchowanskej akciji prědowaše serbski duchowny na Božej mši w Róžeńće. Tam zhromadźichu so wohnjowi wobornicy tež lětsa k swojim dźaknym kemšam.
Drježdźansko-Mišnjanske biskopstwo přeprošuje wěriwych we wobłuku Swjateho lěta na diecezanske putnikowanje z biskopom Heinrichom Timmereversom do Roma. Wone wotměje so wot soboty do soboty, 11. do 18. oktobra 2025.
Dekanatne dušepastyrstwo za młodźinu poskićuje serbskim młodostnym, so póndźelu, 27. meje, popołdnju na Fête de l´Europe w Drježdźanach wobdźělić. Ta wotměje so składnostnje statneho wopyta francoskeho prezidenta Emmanuela Macrona na Drježdźanskim Neumarkće. Zajimcy měli so hač do srjedy, 22. meje, online přizjewić.
Na literarno-hudźbne zarjadowanje Budyskeho Serbskeho ludoweho ansambla (SLA) su wšitcy zajimcy njedźelu, 26. meje, w 16.00 hodź. na Chróšćansku faru přeprošeni. Na nim čita Hanka Rjelcyna teksty z publikacije „Prjedy hač woteńdźeš“. K tomu pokazuja wobrazy poslednich nošerkow narodneje drasty. Smyčkowy orchester SLA zarjadowanje wobrubi.
Worklečanske młodźinske dušepastyrstwo přewjedźe klětu zaso za zajimcow kurs JuLeiCa. Wukubłanje wobsteji z dweju dźělow a wotměje so stajnje wot pjatka do njedzele z přenocowanjom w Smochćicach. Prěni termin budźe hižo wot 17. do 19. januara, druhi dźěl sćěhuje wot 25. do 27. apryla.
Składnostnje Swjateho lěta 2025 přeprošuje Sakski katolski zwjazk za kubłanje dorosćenych (KEBS) zhromadnje ze swojim ewangelskim wotpowědnym zwjazkom na ekumenisku putnisku jězbu z Drježdźan na Assisi do Roma. Wona wotměje so wot póndźele do póndźele, 30. septembra do 7. oktobra.
Sakski katolski zwjazk za kubłanje dorosćenych (KEBS) pyta ručež móžno wosobu, kotraž by so wo projekt „Synergetiski transferny rum Łužica“ (SynTraL) starała. Zwjazkowe ministerstwo za kubłanje a slědźenje projekt spěchuje.
Lětuši Gig-festiwal je wot pjatka do njedźele, 5. do 7. julija, w Róžeńće planowany. Program kaž tež přehlad wobdźělnikow stej hižo znatej.
We Worklečanskim Don Boskowym domje poskićuja dalekubłanje na polu prewencije před seksualizowanej namocu. Přizjewjenja přijimuja online.
Lětuši 103. zjězd katolikow wotměje so wot srjedy 29. meje, do njedźele, 2. junija, w Erfurće – runje wokoło swjedźenja Božeho ćěła. Towarstwo Cyrila a Metoda z.t. (TCM) poskićuje wěriwym ze serbskich wosadow sobotu, 1. junija, busowu jězbu do Erfurta. Přinošk za jězbu wučinja 35 eurow na wosobu. Zajimcy měli so hač do srjedy, 22. meje, w redakciji Katolskeho Posoła přizjewić.
Chróšćanska wosada so tuchwilu na swoju 800. róčnicu prěnjeho naspomnjenja klětu přihotuje. K jubilejej ma w meji 2025 w Budyskim Ludowym nakładnistwje Domowina (LND) kniha wuńć. LND prosy wšitkich, kotřiž maja dotal njeznate historiske fota ze žiwjenja w Chrósćicach a wokolnych wsach – wosebje fota hač do Druheje swětoweje wójny a z NDRskeho časa –, so přizjewić.
Pod hesłom „Domizna – z mnohimi prašenjemi“ přeprošuje Smochčanske kubłanišćo swjateho Bena na dny rozpominanja z filmom, kotrež wotměja so wot srjedy do njedźele, 19. do 23. junija. Přizjewjenja přijimuja hač do štwórtka, 30. meje.
Na putnikowanje z kolesom pod hesłom „Pohlady“ přeprošuje Smochčanske kubłanišćo swjateho Bena wšitkich zajimcow wot njedźele do njedźele, 22. do 29. septembra. Wšědne čary budu přerěznje něhdźe 40 kilometrow dołhe a powjedu mjez druhim ke ikonowemu křižowemu pućej Drježdźanskeje wosady swjateho Hubertusa.
Serbska protyka
