![](https://www.posol.de/wp-content/uploads/2022/06/2022-06-19__INTERNET-predloha-titul__135__-850x580.jpg)
Katolski Posoł – 19. junija 2022
W aktualnym wudaću nańdźeće mjez druhim tole:
Što by cyrkej bjez chlěba była? Tole praša so awtor w swojim zawodnym nastawku. Wón k tomu namołwja, zo měł chlěb wěry zaso w srjedźišću stać – a to we wšěch wobłukach.
![](https://www.posol.de/wp-content/uploads/2022/06/01a-3.jpg)
W Bukecach wotmě so 76. serbski ewangelski cyrkwinski dźeń. Na nim wobdźěli so tohorunja mnoho katolskich Serbow, mjez druhim čłonojo cyrkwinskeho chóra. Zdobom zanjeseštaj dalšej hudźbnej ćělesy oratorij „Podlěćo“.
![](https://www.posol.de/wp-content/uploads/2022/06/02-3.jpg)
W Nuknicy poswjeći serbski duchowny nowu wjesnu kapałku, kotrejež patron je swjaty Antonius. Dźěći su swjatočnosć na wšelakore wašnje wobohaćili.
![](https://www.posol.de/wp-content/uploads/2022/06/03-2.jpg)
W prěnim interviewje přeradźa nowy předsyda Towarstwa Cyrila a Metoda, zo ma z předsydstwom hižo něštožkuli předwidźane. Mjez druhim chcedźa swój poskitk rozšěrić a nowych čłonow docpěć.
![](https://www.posol.de/wp-content/uploads/2022/06/04-2.jpg)
Z postajenjom swjateho křiža zwuraznjataj mandźelskaj w serbskej wsy dźak Bohu za wšě dobroty. W přitomnosći mnohich wěriwych je jón duchowny na njedźeli Swjateje Trojicy poswjećił.
![](https://www.posol.de/wp-content/uploads/2022/06/05-2.jpg)
W předposlednim dźělu swojeje serije k 250. róčnicy załoženja Wotrowskeje wosady wěnuje so awtorka stawiznam tamnišeho kěrchowa. Jeho dźensniši napohlad njeměješe hižo wot wšeho spočatka, ale nasta w běhu dweju lětstotkow.
![](https://www.posol.de/wp-content/uploads/2022/06/06-2.jpg)
We Worklecach je serbski duchowny zhromadnje ze syłu wjesnjanow na stolětny jubilej postajenja wojerskeho pomnika spominał. Na nyšporje přednjesechu mjena padnjenych abo zhubjenych Prěnjeje a Druheje swětoweje wójny tamnišeje gmejny.
![](https://www.posol.de/wp-content/uploads/2022/06/07-3.jpg)