Katolski Posoł – 19. februara 2023

němsce >>>

W aktualnym wudaću nańdźeće mjez druhim tole:​

Humor je bjezdwěla wažny, druhdy samo, zo bychmy wěrnosć prajili. Ale hdźe překročamy hranicy k wusměšowanju a zranjenju, praša so awtor zawodneho nastawka.
Na zhromadźiznje swětoweje synody w Romje w oktobrje budu drje biskopja z Europy kaž dotal z jara rozdźělnymi akcentami wustupować. Něšto nowe pak su na europskim zetkanju w prěnjej połojcy februara w Praze nazhonili, konstatuje awtor wo tutym schadźowanju zastupjerjow ze 40 krajow.
W duchu swjateju Cyrila a Metoda měła so Europa misionować, namołwi městopředsyda Towarstwa Cyrila a Metoda na patronatnym dnju w Baćonju. Hladajo na wójnu w Ukrainje poruči wón, jeju přikład sćěhować.
wjace fotow
„Njezabudź radosć“, namołwja serbski duchowny w swojim serialu. A wón mjenuje hesło, pod kotrymž měli křesćenjo dobre poselstwo wozjewjeć.
W Kulowje je wosadny referent w cyle hinašej funkciji před serbskimi seniorami rěčał. A za to dósta wón mócny aplaws.
Z póstniskej rozpalitosću je so serbski měšnik, kotryž pochadźa z městna, hdźež karnewal swjeća, hakle w druhej wosadźe natyknył. Wón podawa dopomnjenki na „pjaty počas“ na swojich rozdźělnych městnach.

Lětuše póstne prědowanja serbskich wosadach steja pod hesłom „Swjate sakramenty“. Plan, kotry duchowny ke kotrej temje na kotrym městnje prěduje, je tule wozjewjeny. – plan póstnych prědowanjow.

plan póstnych prědowanjow
We wobłuku nalětnjeje plenarneje zhromadźizny Němskeje biskopskeje konferency w Drježdźanach móža wěriwi wyšich dušepastyrjow ze wšeho kraja zbliska dožiwić. Wšitke Bože mšě we wobłuku schadźowanja w katedrali Najswjećišeje Trojicy su zjawnje přistupne, a wěriwi su na nje přeprošeni. Nimo toho přenjesu so wone online.
livestream
„Křesćanske orientacije na prašenja našeho časa“ rěka hesło lětušeho Ekumeniskeho póstneho seminara w Smochčanskim kubłanišću swjateho Bena. Planowane su wospjet štyri zarjadowanja na prěnich štyrjoch póndźelach póstneho časa.
dalše informacije

Zajimcy, kotřiž chcyli pastoralnu słužbu we wosadźe wukonjeć, móža lětsa nazymu wukubłanje na wosadneho referenta zahajić. Do móžneho požadanskeho procesa wotměje so orientaciska rozmołwa.

dalše informacije
Klětu nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Požadanja přijimuja tam hač do soboty, 30. apryla.
dalše informacije
Hornjołužiski zwjazk Carity z.t. w Budyšinje pyta k najblišemu móžnemu terminej wosobu za poradźowanje samodruhich kaž tež wosobu, kotraž chcyła w zarjadnistwje zwjazka dźěłać. Po žadanja přijimuja online, z póštu abo z mejlku.
poradźowanje samodruhich
zarjadnistwo

Na katolskej žurnalistiskej šuli ifp w Mnichowje zahaji so nazymu nowy lětnik dwulětneho žurnalistiskeho wukubłanja. Požadanja přijimuja hač do srjedy, 1. měrca.

dalše informacije

Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. Štóž chcył wukubłanje absolwować, měł so pola hospicneje słužby Carity w Kamjencu přizjewić.

wjace informacijow

Serbska protyka

wjace
Prev PostPatronatne kemše TCM w Baćonju
Next PostKatolski Posoł – 19. Februar 2023