Katolski Posoł – 18. decembra 2022
W aktualnym wudaću nańdźeće mjez druhim tole:
Wo znatym wuprajenju rozmysluje awtor w swojim zawodnym nastawku. Zdobom wón wuswětli, što ma te z adwentom a hodami zhromadneho a kak móhli je křesćenjo hišće zrozumić.
W Budyskej Marje-Marćinej cyrkwi je 1. serbska kulturna brigada čěsku hodownu mšu z wulkim wothłosom po šěsć lětach znowa předstajiła. Dohodowny koncert stej Praski kwartet kaž tež orchester Serbskeho ludoweho ansambla sobu wuhotowałoj.
W Smochčanskim kubłanišću swjateho Bena budźe tež lětsa Boži narodk w přirodnej wulkosći stać. Wón pak změje hinaši napohlad hač zašłej lěće.
Ze stawiznami poměrnje młodeje postawy, kotraž je hody jara woblubowana, zaběra so duchowny w swojim přinošku. Je to dalši dźěl swojeje serije „Wěra praktisce“.
Worklečanske dekanatne dušepastyrstwo młodźiny poskića serbskorěčny kurs JuLeiCa. Z wukubłanjom móža sej młodostni tež za sebje lěpšiny zdobyć. Přizjewić měli so zajimcy hač do srjedy, 21. decembra.
Dr. Timo Meškank je nowu knihu z titlom „krasnosć komunizma abo 1980te lěta w Serbach“ wudał. Zajimcy móža sej darmotnu knihu w redakciji Katolskeho Posoła skazać.
„Kak móžu to jenož rozrisać?…“ rěka hesło kursa k praktiskej žiwjenskej pomocy a sebjespóznaću, kotryž budźe wot pjatka do njedźele, 3. do 5. februara, w Smochčanskim kubłanišću swjateho Bena. Zajimowani su přeprošeni, swoje wosobinske prašenja z pomocu systemiskich nastajenjow wobdźěłać.
Smochčanske kubłanišćo swjateho Bena přeprošuje na dny rozpominanja filma. Wone wotměja so klětu wot pjatka do njedźele,
20. do 22. januara.
W dekanatnym dušepastyrstwje za dźěći a młodźinu we Worklecach ma so k najblišemu móžnemu terminej dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do pjatka, 6. januara, móžne.
W Radworskim Katolskim serbskim dźěćacym domje „Alojs Andricki“ ma so k najblišemu móžnemu terminej městno nawodnicy abo nawody znowa wobsadźić. Pisomne požadanja přijimuja hač do soboty, 31. decembra.
Dekanatne dušepastyrstwo dźěći přeprošuje šulerjow, kotřiž budu w šulskim lěće 2023/2024 w 5. do 8. lětniku, na jězbu do Zehrena blisko Mišna. Wona budźe wot póndźele do pjatka, 9. do 13. oktobra.
Klóšter Marijina hwězda w Pančicach-Kukowje pyta za putnisku cyrkej w Róžeńće wosobu, kotraž chcyła nadawki zwóńka a rjedźerskeje mocy přewzać. Zajimcy měli so tak spěšnje kaž móžno přizjewić.
Serbscy młodźi dorosćeni w starobje wot 18 do 30 lět su na zhromadny kubłanski dźeń sobotu, 7. januara, do Ewangelskeho centruma za dźěći a młodźinu TiK w Budyšinje přeprošeni. Přizjewjenja přijimuja hač do wutory, 20. decembra, online.
Serbska protyka
