![](https://www.posol.de/wp-content/uploads/2024/08/2024-08-18__INTERNET-predloha-titul_135__-1-850x580.jpg)
Katolski Posoł – 18. awgusta 2024
Žadosći za zmysłapołnym žiwjenjom wěnuje so duchowny w swojim zawodnym nastawku. Wón rozłoži, štó zamóže ju na kotre wašnje spokojić.
![](https://www.posol.de/wp-content/uploads/2024/08/01-2.jpg)
Po nimale 100 lětach wopušća klarisy wěčneho modlenja Budyšin. Na rozžohnowanskich kemšach klóšterska cyrkej lědma dosahaše.
![](https://www.posol.de/wp-content/uploads/2024/08/02-2.jpg)
Wosebitu a wutrobnu zhromadnosć hajichu ewangelscy a katolscy Serbja blisko Budyšina. W Hrubjelčicach přewjedźechu znowa dworowy swjedźeń a swjećachu ekumenisku nutrnosć.
![](https://www.posol.de/wp-content/uploads/2024/08/03-2.jpg)
Serbske spěwne ćěleso je „Chór tydźenja“ němskeho nadregionalneho sćelaka. Něhdźe pjećmjeńšinski přinošk wopřija wurězki ze spěwow kaž tež to a tamne wo Serbach a chórje. Wusyłanje je jako podcast w interneće přistupne.
![](https://www.posol.de/wp-content/uploads/2024/08/04-2.jpg)
Wo lóštnych překwapjenkach w prózdninach pisataj Hańžka a Feliks na dźěćacej stronje. Ale tež z ptačkami w biblji móža so dźěći zaběrać.
![](https://www.posol.de/wp-content/uploads/2024/08/05-3.jpg)
W Njeswačidle su so dźěći z Božej stwórbu zaběrali. Při tym zhonichu tójšto zajimaweho wo ptačkach. Za nje móžachu sej zdobom kukawč natwarić.
![](https://www.posol.de/wp-content/uploads/2024/08/06-2.jpg)
Wo swojich dožiwjenjach na katolskim młodźinskim swjedźenju w Bosniskej-Hercegowinje pisa wobdźělnica w swojim přinošku na młodźinskej stronje. Mjez něhdźe 60.000 wobdźělnikami běchu třo Serbja.
![](https://www.posol.de/wp-content/uploads/2024/08/07a.jpg)
„Hana z Hórkow“ rěka nowa serbska literarna twórba Jurja Kocha, kotraž je w Budyskim Ludowym nakładnistwje Domowina wušła. W knize wěnuje so awtor na wuměłske wašnje awtentiskim podawkam před wjace hač wosomdźesat lětami.
![](https://www.posol.de/wp-content/uploads/2024/08/08-2.jpg)
Towarstwo Cyrila a Metoda z.t. (TCM) přeprošuje Serbow w starobje něhdźe 35 do 55 lět na zhromadne dny do Prahi. Jězba wotměje so wot póndźele 30. decembra, do srjedy, 1. januara. Silwester chcedźa z čěskimi přećelemi Serbow w Serbskim seminarje swjećić. Přizjewjenja přijimuje Daniela Handrikowa, čłonka předsydstwa TCM, hač do pjatka, 30. awgusta.
![](https://www.posol.de/wp-content/uploads/2024/08/09-2.jpg)
Smochčanske kubłanišćo swjateho Bena a załožba Carity w Drježdźansko-Mišnjanskim biskopstwje přeprošujetej we wobłuku rjadu „Smochčanske jewišćo“ na beneficny koncert ze serbskej spěwarku Helenu Hejduškec do tamnišeho domu. Tón budźe njedźelu, 25. awgusta, w 16.00 hodź.
![](https://www.posol.de/wp-content/uploads/2024/08/10.jpg)
Na zhromadne dny z diplomowym teologu Sebastianom Mutku su wšitcy mužojo wot pjatka do njedźele, 6. do 8. septembra, do benediktinskeho klóštra we Wechselburgu přeprošeni. Přizjewjenja su online móžne.
![](https://www.posol.de/wp-content/uploads/2024/08/08_Seite_2_1.jpg)
Pod hesłom „Kreuz und quer“ su młodostni na diecezanske zetkanje młodźiny do Wechselburga přeprošeni. Wone budźe pjatk a sobotu, 13. a 14. septembra, w tamnišim klóštrje. Serbscy wobdźělnicy móža sej tam zhromadnje dojěć. Přizjewić móža so hač do soboty, 24. awgusta, online.
![](https://www.posol.de/wp-content/uploads/2024/06/12-2.jpg)
Přichodny seminar k přihotej na sakrament mandźelstwa budźe
pjatk a sobotu, 29. a 30. nowembra, w Smochčanskim kubłanišću swjateho Bena. Přizjewjenja přijimuje Dekanatne dušepastyrstwo młodźiny we Worklecach hač do srjedy, 28. awgusta, online.
![](https://www.posol.de/wp-content/uploads/2022/11/10-2.jpg)
Drježdźansko-Mišnjanske biskopstwo přeprošuje wěriwych we wobłuku Swjateho lěta na diecezanske putnikowanje z biskopom Heinrichom Timmereversom do Roma. Wone wotměje so wot soboty do soboty, 11. do 18. oktobra 2025.
![](https://www.posol.de/wp-content/uploads/2024/05/09.png)
Serbska protyka
![](https://www.posol.de/wp-content/uploads/2022/06/protyka_logo_hsb.png)