![](https://www.posol.de/wp-content/uploads/2024/03/2024-03-17__INTERNET-predloha-titul__135__-850x580.jpg)
Katolski Posoł – 17. měrca 2024
W swojim zawodnym nastawku wěnuje so serbski duchowny prašenju „Kajke móhło sebjezwoprawdźenje w Jězusowym zmysle wupadać?“ Mjez druhim wón při tym wuwjedźe, što móže kóždy jednotliwc za to činić a što je křesćanam měritko.
![](https://www.posol.de/wp-content/uploads/2024/03/01-3.jpg)
Wuprajenja bamža Franciskusa k měrowym jednanjam rusku nadběhowansku wójnu přećiwo Ukrainje nastupajo su narodnje a mjezynarodnje rozdźělne reakcije zbudźili. Spočatk měrca wozjewi zdobom skupina dwaceći Serbow list prezidentomaj wobeju krajow z namołwu wo měr a skónčenje morjenja.
![](https://www.posol.de/wp-content/uploads/2024/03/02-3.jpg)
Informacije k Swjatemu lětu 2025 w Romje su wotnětka tež w němskej rěči online přistupne. K tomu słušeja mjez druhim pokiwy k putnikowanju do Wěčneho města a nastorki k modlenju.
![](https://www.posol.de/wp-content/uploads/2024/03/03-3.jpg)
Wo citaće něhdyšeje němskeje kanclerki kaž tež aktualneho kanclera rozmysluje awtor w dalšim dźělu swojeje póstneje serije. Złožiwši so na ewangelij tuteje njedźele a podawki martrowneho tydźenja wón mjez druhim wuwjedźe, kak móže křesćan do přichoda kročić.
![](https://www.posol.de/wp-content/uploads/2024/03/04-3.jpg)
W Smochćicach zhromadźichu so samostejacy ze serbskich wosadow k swojemu lětušemu prěnjemu zetkanju. Na nim předstajištej referentce dekanatneho dušepastyrstwa za dźěći a młodźinu swoje dźěło.
![](https://www.posol.de/wp-content/uploads/2024/03/05-3.jpg)
Biskop najmjeńšeje a najwuchodnišeje diecezy Němskeje woswjeći tutu njedźelu kulowate narodniny. Na teritoriju, kotryž wot lěta 2011 nawjeduje, bydla tež serbscy wěriwi.
![](https://www.posol.de/wp-content/uploads/2024/03/06_2.jpg)
Relewanca cyrkwje w towaršnosći steješe w srjedźišću třećeho Ekumeniskeho póstneho seminara w Smochćicach. Mjez druhim referent, kiž je předsyda frakcije CDU w Sakskim krajnym sejmje, wuwjedźe, kotre nadawki cyrkej ma, kak pak nima jednać.
![](https://www.posol.de/wp-content/uploads/2024/03/07-1.jpg)
Hornjołužiski zwjazk Carity poskićuje zakładne kursy k susodskej pomocy. Socialny dźěłaćer w interviewje za Katolski Posoł rozłožuje, što ma so wšitko wobkedźbować.
![](https://www.posol.de/wp-content/uploads/2024/03/08-3.jpg)
Smochčanske kubłanišćo swjateho Bena přeprošuje na dny k praktiskej žiwjenskej pomocy a swójskim nazhonjenjam pod hesłom „Kak to jeno rozrisam? Systemiske nastajenje k wujasnjenju wosobinskich naležnosćow“. Kurs wotměje so stajnje wot pjatka do njedźele, 5. do 7. apryla, kaž tež 25. do 27. oktobra.
![](https://www.posol.de/wp-content/uploads/2024/03/09-1.jpg)
W lětušej jutrownej wustajeńcy Budyskeho Serbskeho muzeja, kotraž budźe wot njedźele, 17. měrca, hač do njedźele, 5. meje přistupna, wěnuja so zaso nałožkam a tradicijam Serbow wot zeleneho štwórtka hač k jutrońčce.
Zdobom zhonja zajimcy w muzeju wjace ke kmótřiskim daram ze serbskim hrónčkom.
![](https://www.posol.de/wp-content/uploads/2024/03/09__11.jpg)
Pod hesłom „Wujednaj so!“ wotměje so za šulerjow 6., 7. a 8. lětnika sobotu, 23. měrca, zhromadny dźeń w Don Boskowym domje we Worklecach. Na tym dnju wobsteji móžnosć, sakrament wujednanja přijimać. Přizjewjenja su hač do póndźele, 18. měrca, online móžne.
![](https://www.posol.de/wp-content/uploads/2024/03/12-1.jpg)
Křižowy puć modli so dekanatna młodźina bołmončku, 24. měrca, w 14.00 hodź. w Šunowje a Konjecach. Započatk je w kapałce na klóšterskim kuble w Šunowje. Młodostni jednotliwych wosadow njech přinjesu swój młodźinski baner sobu. Trěbna digitalna knižka za křižowy puć budźe wot štwórtka, 21. měrca, na internetowej stronje dekanatneho dušepastyrstwa młodźiny k dispoziciji.
![](https://www.posol.de/wp-content/uploads/2024/03/10-3.jpg)
Dekanatne dušepastyrstwo za dźěći přeprošuje šulerki a šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot póndźele do pjatka, 8. do 12. julija. Přizjewjenja přijimuja hač do njedźele, 31. měrca, online.
![](https://www.posol.de/wp-content/uploads/2023/12/13.jpg)
Pastyrske słowo biskopa Heinricha k jutrownemu pokutnemu časej 2024
...
Hirtenwort von Bischof Heinrich zur Österlichen Bußzeit 2024
Serbska protyka
![](https://www.posol.de/wp-content/uploads/2022/06/protyka_logo_hsb.png)