Katolski Posoł – 16. oktobra 2022

deutsch >>>

W aktualnym wudaću nańdźeće mjez druhim tole:​

Wo swjatej, kotraž běše swětło mnohim, pisa awtor zawodneho nastawka. Zdobom pohnuwa wón k tomu wo tym rozmyslować, hdźe a kak kóždy jednotliwc w dźensnišim času w jeje duchu skutkuje a swětło rozsywa.
Ze swjatočnymi kemšemi w Romskej Pětrowej cyrkwi je bamž Franciskus na zahajenje Druheho Vatikanskeho koncila před 60 lětami dopomnił. Při tym namołwi katolsku cyrkej z dramatiskimi słowami k jednoće.

Katolski Serb bu njedawno z Medalju kurwjerchowki Anny počesćeny. Wón bu wot sakskeje statneje ministerki za socialne naležnosće za swój mnohostronski angažement wuznamjenjeny. Lawdaciju přednjese šulerka 9. lětnika.

W połnej wobsadźenej wosadnej cyrkwi je serbski chór koncert k 75. róčnicy swojeho załoženja dał. Na njón běchu sej spěwarjo tež hosći z Drježdźan přeprosyli.

wjace fotow
Je Njebjelčanski cyrkwinski chór starši hač 75 lět? Zaběrajo so ze stawiznami spěwneho cyłka namaka awtorka přinoška na to jasnu wotmołwu.
Mjez počesćenymi z lětušim Mytom Domowiny a Čestnym znamješkom Domowiny běchu tež katolscy Serbja. Woni přijachu počesćenje za swoje nabožne a narodne skutkowanje.

Rada katolikow w Drježdźansko-Mišnjanskim biskopstwje zetka so w Smochćicach k swojej nazymskej plenarnej zhromadźiznje. Mjez druhim zaběrachu so čłonojo z předźěłanjom a prewenciju seksualizowaneje namocy we wobłuku Drježdźansko-Mišnjanskeho biskopstwa a rozsudźichu něšto, štož je druhim tajkim radam z přikładom.

Z płodami, kotrež dachu serbskemu pomjenowanju za oktober swoje mjeno, zaběra so awtor w swojim rozmyslowanju. Wón pokaza pak tež na to, hdźe běchu we Łužicy něhdy winowcy abo dźensa wone hišće su.

„Wzajomnje so zrozumić – partnersce komunikować“ rěkatej kursaj za pory, kotrež chcedźa swój poćah skrućić. Wonej wotmějetej so wot pjatka do njedźele, prěni wot 25. do 27. nowembra, druhi klětu wot 13. do 15. januara, w Smochčanskim kubłanišću swjateho Bena. Zajimcy měli so hač do pjatka, 11. nowembra, respektiwnje 3. januara online přizjewić.

flyer
přizjewić so

Swoju premjeru změje nowa serbska spěwohra „Z TOBU – Bohu swjećene lěto“ pjatk, 21. oktobra, hakle w 19 hodź. w Chróšćanskej wjacezaměrowej hali „Jednota“. Kartki za cyłkownje pjeć předstajenjow předawaja so pola časnikarja Jürgena Njeka w Chrósćicach abo online.

kartki skazać

W dekanatnym dušepastyrstwje za dźěći a młodźinu we Worklecach ma so 1. januara 2023 dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do póndźele, 24. oktobra, móžne.

dalše informacije
Dekanatne dušepastyrstwo přeprošuje wšitke dźěći, kotrež so na prěnje swjate woprawjenje přihotuja, na zhromadny dźeń srjedu, 16. nowembra, do Njebjelčic. Přizjewjenja přijimuja so hač do wutory, 1. nowembra.
k přizjewjenju
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
k přizjewjenju

Serbska protyka

wjace
Prev PostKatolski Posoł – 9. Oktober 2022
Next PostSwjedźenski koncert Njebjelčanskeho cyrkwinskeho chóra