![](https://www.posol.de/wp-content/uploads/2023/07/2023-07-16__INTERNET-predloha-titul__135__-850x580.jpg)
Katolski Posoł – 16. julija 2023
Što ma zorno ze słowom činić, wo tym pisa awtorka zawodneho nastawka zaběrajo so z ewangelijom a čitanjom tuteje njedźele. Zdobom pohnuwa wona wo tym rozmyslować, do kotreje pódy je wone pola čłowjeka wusyte.
![](https://www.posol.de/wp-content/uploads/2023/07/01-1.jpg)
„Widźu, štož će dźerži“ rěkaše hesło třećeho dnja lětušeho nabožneho tydźenja, na kotrymž putnikowachu dźěći do Róžanta. Mjez druhim šulerjo zhonichu, što ma čorny wobraz ze wšědnym dnjom zhromadneho.
![](https://www.posol.de/wp-content/uploads/2023/07/02-1.jpg)
W njewšědnje wjele rěčach swjećachu wěriwi Božu mšu pod hołym njebjom w Chrósćicach. Wobdźělnicy mjezynarodneho folklorneho festiwala, kotryž so tón kónc tydźenja wotměwaše, ju sobu wuhotowachu.
![](https://www.posol.de/wp-content/uploads/2023/07/03-1.jpg)
Ze serbskim zbóžnym móža so zajimcy w Radworju bliže zaběrać. Tam bu šćežka z jeho mjenom přepodata a požohnowana.
![](https://www.posol.de/wp-content/uploads/2023/07/04-1.jpg)
Dźěsći z njekřesćanskeje swójby buštej w Ralbicach křćenej. Zdobom přiještej zhromadnje ze swojej sotru, kotraž dósta tutón sakrament hižo před štyrjomi lětami, prěnje swjate woprawjenje.
![](https://www.posol.de/wp-content/uploads/2023/07/05-1.jpg)
W Njebjelčicach wudźěli biskop Heinrich Timmerevers sakrament swjateho firmowanja. Jako dar dóstachu młodostni tyzku, kotraž je hižo pjelnjena, kotruž pak móža tež sami dale pjelnić.
![](https://www.posol.de/wp-content/uploads/2023/07/06-1.jpg)
Knižka z modlitwami za dźěći a w swójbje z titulom „Ruce swojej
stykuju“ je w Budyskim Ludowym nakładnistwje w druhim nakładźe wušła. Wona wopřijima
něhdźe 70 modlitwow za
najwšelakoriše situacije.
![](https://www.posol.de/wp-content/uploads/2023/07/10.jpg)
Drježdźansko-Mišnjanske biskopstwo pyta wosobu, kotraž
chcyła wot 1. septembra w zarjadnistwje Sakskeho Katolskeho
kubłanja dorosćenych (KEBS) dźěłać. Požadanja přijimuja hač do póndźele,
31. julija.
![](https://www.posol.de/wp-content/uploads/2023/07/07-1.jpg)
Smochčanski kubłanski dom swjateho Bena poskići wot srjedy do pjatka, 13. do 15. septembra, seminar, w kotrymž móža ludźo na stres, wysoke wužadanja abo žiwjenske krizy wotpowědnu podpěru z pomocu reziliency dóstać. Přizjewjenja su hač do srjedy, 23. awgusta, móžne.
![](https://www.posol.de/wp-content/uploads/2023/07/08-1.jpg)
Na kongres Adoratio – rěčenje
wo a modlenje před Najswjećišim
– su wěriwi a zajimcy
sobotu a njedźelu, 19. do
20. awgusta, do Noweje Cale
přeprošeni. Přizjewjenja přijimuja online.
![](https://www.posol.de/wp-content/uploads/2023/07/09-1.jpg)
Dekanatne dušepastyrstwo młodźiny we Worklecach přeprošuje wšitkich młodostnych wot 8. lětnika kaž tež młodych dorosćenych na seksualnopedagogisku dźěłarničku WaageMut®. Wona wotměje so sobotu, 9. septembra, na „Radlubinje“ w Ralbicach. Přizjewjenja přijimuja hač do wutory, 8. awgusta.
![](https://www.posol.de/wp-content/uploads/2023/06/10-1.jpg)
Serbska dekanatna młodźina je tež lětsa na zhromadny wulět přeprošena. Tón budźe njedźelu, 3. septembra. Přizjewjenja přijimuja hač do wutory, 8. awgusta, online.
![](https://www.posol.de/wp-content/uploads/2023/06/10.jpeg)
Na putnikowanje z kolesom přeprošuje Smochčanske kubłanišćo swjateho Bena wšitkich zajimcow wot njedźele, 24. septembra, do njedźele, 1. oktobra. Nawod změjetaj farar Thomas Cech ze Žitawy a Alojs Rječka z Łužnicy.
![](https://www.posol.de/wp-content/uploads/2023/05/06.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)