Katolski Posoł – 15. januara 2023

němsce >>>

W aktualnym wudaću nańdźeće mjez druhim tole:​

Wo potajnym znamjenju na wjerchu wuchodoněmskeje katedrale pisa awtor w swojim zawodnym nastawku. Zdobom wón zwuraznja, što ma te z Bohom činić.
Po přestawce korony dla je so w Chrósćicach lětsa zaso šěsć mustwow wo pokal Towarstwa Cyrila a Metoda wubědźowało. We wotběhu nowolětneho turněra pak su zamołwići tónkróć to a tamne změnili.
wjace fotow
Čiła bjesada a dobra zhromadnosć knježeštej na hodowničce serbskich wěriwych katolskeje a ewangelskeje wosady w Budyšinje. Do toho swjećachu w cyrkwi Našeje lubeje knjenje ekumeniski nyšpor.
wjace fotow
Wobsah Katolskeho Posoła lěta 2022 je dozestajany. Wšitcy, kotřiž chcedźa sej lětnik wjazać dać a wobsah sobu zapřijeć, móža sej dataju w formaće pdf wućišćeć. Štóž tule móžnosć nima, njech wobroći so na redakciju Katolskeho Posoła.
k wobsahej
Ze zwjazanosću čłowjeka z Božej stwórbu zaběra so awtorka w swojim přinošku. W nim předstaja wona nowolětka, kotrež dawachu něhdy skotej jako cyrobu a z kotrymiž bu domjacy skót žohnowany. Zdobom wona k tomu přeprošuje nowolětka zhromadnje zhotowjeć.

Pisany program dožiwichu wopytowarjo hodowneho koncerta w Chrósćicach. Tón wotmě so na znatym, a tola njewšědnym městnje.

wjace fotow
Ministrantki serbskeje wosady běchu swojeho duchowneho z wosebitej akciju překwapili. Z tym podpěrachu darowansku akciju na dobro wulkeho instrumenta.

Wo fenomenu čas pisa awtor w swojim přinošku. W nim rozmysluje wón wo čłowječim byću a běhu časa.

Jědnaće lět je Baćonjanka słužbu k Božej česći a wosadźe k spokojnosći wšěch wukonjała. Na kónclětnym nyšporje ju nětko rozžohnowachu.

Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. Štóž chcył wukubłanje absolwować, měł so pola hospicneje słužby Carity w Kamjencu přizjewić.

wjace informacijow
Pod hesłom „Pój, wjesel so!“ přeprošuje Dekanatne dušepastyrstwo za dźěći šulerjow 1. a 2. lětnika na zhromadny dźeń do Don Boskoweho domu we Worklecach, kotryž wotměje so wutoru, 14. februara. Zajimcy měli so hač do njedźele, 5. februara, online přizjewić.
přizjewić so
Hornjołužiski zwjazk Carity pyta k najblišemu móžnemu terminej za swoju Dnjowu hladarnju „Při Krabatowym puću“ we Worklecach wosobu za jězbnu słužbnu. Dźěłowe městno je wobmjezowane, podlěšenje pak je móžne.
wupisanje

Klóšter Marijina hwězda w Pančicach-Kukowje pyta za putnisku cyrkej w Róžeńće wosobu, kotraž chcyła nadawki zwóńka a rjedźerskeje mocy přewzać. Zajimcy měli so tak spěšnje kaž móžno přizjewić.

wjace

Lětsa wotměja so w Smochčanskim kubłanišću swjateho Bena zaso tři seminary k přihotej na sakrament mandźelstwa. Prěni budźe wot pjatka do soboty, 3. do 4. měrca. Přizjewjenja přijimuja hač do srjedy, 25. januara, online.

wjace
Z podpěranjom ponowjenja Baćońskich pišćelow chce Towarstwo Cyrila a Metoda z.t. (TCM) wšěch katolskich Serbow znowa do zhromadneho skutka wjesć. Štóž chcył k tomu přinošować, njech přepokaza swój dar na konto TCM.
kontowe čisło TCM - hesło: Baćoń
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
přizjewić so

Serbska protyka

wjace
Prev PostKoparski turněr wo pokal TCM
Next PostKatolski Posoł – 15. Januar 2023