![](https://www.posol.de/wp-content/uploads/2024/07/2024-07-14__INTERNET-predloha-titul__135__-1-850x580.jpg)
Katolski Posoł – 14. julija 2024
Wo naměsće, kotrež skutkuje kaž šěroko rozpřestrětej ruce, pisa serbski duchowny w swojim zawodnym nastawku. Zdobom předstaja wón někotre Bože domy wokoło njeho – městna, kotrež su ze žiwjenjom cyle konkretnych wosobow, ze swjatymi zwjazane.
![](https://www.posol.de/wp-content/uploads/2024/07/01-2.jpg)
Po wjace hač 19 měsacach w ruskej jatbje staj ukrainskaj duchownaj zaso swobodnaj. Vatikanska diplomatija je při tym wažnu rólu hrała.
![](https://www.posol.de/wp-content/uploads/2024/07/06-1.jpg)
Někotrych swjatych, kotrež móža při wšelakich ćežach, tež w dowolu, pomhać, předstaja awtorka w swojim přinošku. W prěnim dźělu wěnuje so wona mjez druhim swjatemu, po kotrymž je znaty přesmyk w Alpach pomjenowany.
![](https://www.posol.de/wp-content/uploads/2024/07/02-1.jpg)
Wjacore dźesatki tysacy ministrantow podadźa so kónc julija do Roma, mjez nimi něhdźe 180 Serbow. Za wšěch přetorhnje bamž Franciskus tež swój dowol.
![](https://www.posol.de/wp-content/uploads/2024/07/03-1.jpg)
Jedne z 29 městnosćow, na kotrejž wotmě so w minjenym lětdźesatku Gig-festiwal, je Róžant. Tam woswjećichu jón lětsa dźesaty raz a wróćichu so zdobom k jeho korjenjam.
![](https://www.posol.de/wp-content/uploads/2024/07/04-1.jpg)
Před 125 lětami zemrě posledni kardinal, kotryž njeběše na měšnika wuswjećeny. Pječa je wón mjez druhim zakładny dokument za cyrkwinski stat wudźěłał, kotryž swjaty wótc bjez kóždeježkuli změny schwali.
![](https://www.posol.de/wp-content/uploads/2024/07/05-1.jpg)
Budyski Serbski muzej poskićuje w lěćnych prózdninach wšelake poskitki za dźěći. Mjez druhim podadźa so na „Slědy serbskich bajow“, zaběraja so ze žiwjenjom w měsće přichoda a zhotowja sej mozaikowe wobrazy.
![](https://www.posol.de/wp-content/uploads/2024/07/07.jpg)
Na zahrodźe klóštra Marijineje hwězdy w Pančicach-Kukowje dožiwja wopytowarjo sobotu, 20. julija, wot 19.00 hodź. zaso „Nóc tysac swěčkow“. Hač do zaswěćenja swěčkow budźe pisany program na jewišću.
![](https://www.posol.de/wp-content/uploads/2024/07/08.jpg)
Pod hesłom „Što tam spěwa, lěta, šumi?“ přeprošuje sekcija Swójba Towarstwa Cyrila a Metoda z.t. (TCM) w kooperaciji z Dekanatnym dušepastyrstwom za dźěći na zhromadny dźeń za šulerjow wot 4. do 6. lětnika w Njeswačanskim hrodźe. Tón budźe sobotu, 10. awgusta, wot 10.00 do 14.00 hodź.
![](https://www.posol.de/wp-content/uploads/2024/06/12-3.jpg)
Kubłanske dny serbskeje młodźiny wotměja so wot pjatka do njedźele, 27. do 29. septembra, w ponowjenym Schmiedebergskim Winfriedowym domje. Wobdźělnicy změja składnosć po přirodźe pućować, so zhromadnje modlić a spěwać kaž tež duchownje so posylnjeć. Zajimcy měli so hač do póndźele, 29. julija, online přizjewić.
![](https://www.posol.de/wp-content/uploads/2024/06/11-2.jpg)
Pod hesłom „Kreuz und quer“ su młodostni na diecezanske zetkanje młodźiny do Wechselburga přeprošeni. Wone budźe pjatk a sobotu, 13. a 14. septembra, w tamnišim klóštrje. Serbscy wobdźělnicy móža sej tam zhromadnje dojěć. Přizjewić móža so hač do soboty, 24. awgusta, online.
![](https://www.posol.de/wp-content/uploads/2024/06/12-2.jpg)
Wulět dekanatneje młodźiny budźe sobotu, 24. awgusta. Přeprošeni su młodostni wot přichodneho 9. lětnika kaž tež młodźi dorosćeni. Přizjewjenja přijimuja hač do srjedy, 7. awgusta, online.
![](https://www.posol.de/wp-content/uploads/2024/06/09.jpg)
Drježdźansko-Mišnjanske biskopstwo přeprošuje wěriwych we wobłuku Swjateho lěta na diecezanske putnikowanje z biskopom Heinrichom Timmereversom do Roma. Wone wotměje so wot soboty do soboty, 11. do 18. oktobra 2025.
![](https://www.posol.de/wp-content/uploads/2024/05/09.png)
Chróšćanska wosada so tuchwilu na swoju 800. róčnicu prěnjeho naspomnjenja klětu přihotuje. K jubilejej ma w meji 2025 w Budyskim Ludowym nakładnistwje Domowina (LND) kniha wuńć. LND prosy wšitkich, kotřiž maja dotal njeznate historiske fota ze žiwjenja w Chrósćicach a wokolnych wsach – wosebje fota hač do Druheje swětoweje wójny a z NDRskeho časa –, so přizjewić.
![](https://www.posol.de/wp-content/uploads/2024/04/09-3.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)