Katolski Posoł – 12. februara 2023

němsce >>>

W aktualnym wudaću nańdźeće mjez druhim tole:​

K čemu Bóh křesćanow namołwja, wo tym pisa awtor w swojim zawodnym nastawku. Jako wuchadźišćo woleše podawk z křiwym hozdźikom.
Z naležnym apelom k wujednanju je bamž Franciskus swoju nimale tydźeń trajacu jězbu do Afriki zakónčił. Z njej chcyše wón mjezynarodnje na krajej z lětdźesatki trajacymi bolostnymi krizami skedźbnić.
Ze swjedźenskej Božej mšu w Radworju a pontifikalnej w Drježdźanach wopominachu wěriwi zbóžneho martrarja Alojsa Andrickeho. Jedne z kemšow wuhotowaše spěwne ćěleso, kotrehož prefekt serbski duchowny něhdy běše.
wjace fotow - Boža mša w Radworju
wjace fotow - Boža mša w Drježdźanach
Boža mša w Drježdźanach
Ze žiwjenjom serbskeho zbóžneho móža so zajimcy wot nalěća w Radworju na wjacorych městnach zeznajomić. Tam nastawa tuchwilu nowa šćežka kapłana Alojsa Andrickeho z pjeć stacijemi.

Wo hódnym chowanju w dobje staroeuropskeho wobydlerstwa w dźensnišej Hornjej Łužicy informuje tuchwilu wustajeńca Budyskeho muzeja. Wona je hišće hač do njedźele, 30. apryla, přistupna.

dalše informacije
Po dołholětnym skutkowanju je předsyda serbskeho cyrkwinskeho chóra tónle nadawk nětko wotedał. Za swěru a spore dźěło so jemu na hłownej a wólbnej zhromadźiznje dźakowachu.
Čehodla stej humor a wěra kaž bratr a sotra, wo tym rozmysluje awtor w swojim rozmyslowanju. Zdobom mjenuje wón najwažniše wuměnjenje za humor.
„Křesćanske orientacije na prašenja našeho časa“ rěka hesło lětušeho Ekumeniskeho póstneho seminara w Smochčanskim kubłanišću swjateho Bena. Planowane su wospjet štyri zarjadowanja na prěnich štyrjoch póndźelach póstneho časa.
dalše informacije

Zajimcy, kotřiž chcyli pastoralnu słužbu we wosadźe wukonjeć, móža lětsa nazymu wukubłanje na wosadneho referenta zahajić. Do móžneho požadanskeho procesa wotměje so orientaciska rozmołwa.

dalše informacije
Klětu nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Požadanja přijimuja tam hač do soboty, 30. apryla.
dalše informacije
Hornjołužiski zwjazk Carity z.t. w Budyšinje pyta k najblišemu móžnemu terminej wosobu za poradźowanje samodruhich kaž tež wosobu, kotraž chcyła w zarjadnistwje zwjazka dźěłać. Po žadanja přijimuja online, z póštu abo z mejlku.
poradźowanje samodruhich
zarjadnistwo

Na katolskej žurnalistiskej šuli ifp w Mnichowje zahaji so nazymu nowy lětnik dwulětneho žurnalistiskeho wukubłanja. Požadanja přijimuja hač do srjedy, 1. měrca.

dalše informacije

Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. Štóž chcył wukubłanje absolwować, měł so pola hospicneje słužby Carity w Kamjencu přizjewić.

wjace informacijow

Serbska protyka

wjace
Prev PostKatolski Posoł – 5. Februar 2023
Next PostBoža mša na wopomnjenskim dnju zbóžneho Alojsa Andrickeho w Radworju