Katolski Posoł – 10. měrca 2024
Z wažnym čłowječim zmysłom a što tón z wěru činić ma zaběra so serbski duchowny w swojim zawodnym nastawku. Zdobom wón wo tym rozmysluje, z čim móže něchtó za to trěbny organ hojić, je-li wón zaćěmnjeny.
Kruch čěskeje sakralneje kompozicije, kotryž je Serbam wosebje bliski, steješe w srjedźišću koncerta Serbskeho ludoweho ansambla w Rakečanskej ewangelskej cyrkwi. Za awtorku rozprawy w Katolskim Posole běše to hódny přinošk k póstnemu časej a je to tež za jutrowny čas.
W dalšim dźělu swojeje póstneje serije rozmysluje awtor wo wuprajenju znateho němskeho basnika a rysowarja. Poćahujo so při tym tež na jedne z čitanjow tuteje njedźele wón mjez druhim k tomu přeprošuje, wotewrjeni wostać, so překwapić dać a sej w tym Bože slědy wotkryć.
Wo idejach, kak móhli cyrkej a swoju wosadu we wobłuku Europskeje kulturneje stolicy klětu prezentować, přednošowaše propst Benno Schäffel z Kamjenicy w Smochćicach. Wón wěnowaše so na dalšim wječoru Ekumeniskeho póstneho seminara temje „Dokal tež dźeš, Bóh tu hižo je“.
Kulowscy wěriwi maja noweho wosadneho fararja. Wón bu na swjatočnych dwurěčnych kemšach do swojeho zastojnstwa zapokazany.
Stawiznam jednomu ze sydom sakramentow, kotryž cyrkej wosebje w póstnym času doporuči, wěnuje so awtor w swojim přinošku. Mjez druhim wón k tomu pohnuwa, so tež na nowe formy zwažić, zo by tónle sakrament zaso bóle akceptowany był.
Hornjołužiske telefonowe dušepastyrstwo přeprošuje na rjad přednoškow wo depresijach, prewenciji přećiwo suicidej, samotnosći abo psychiskej strowoće. W interviewje rozłožuje jeje zastupowaca nawodnica pozadk zarjadowanjow.
W Litoměřicskim biskopstwje bu dotalny sekretar Čěskeje biskopskeje konferency na biskopa wuswjećeny. Na swjatočnej Božej mši wobdźělichu so tež Serbja.
Wjacerěčnej knize wo Jězusowym ćerpjenju wěnuje so awtor w swojej recensiji. Wona wobsahuje rozmyslowanja k 14 stacijam křižoweho puća.
W lětušej jutrownej wustajeńcy Budyskeho Serbskeho muzeja, kotraž budźe wot njedźele, 17. měrca, hač do njedźele, 5. meje přistupna, wěnuja so zaso nałožkam a tradicijam Serbow wot zeleneho štwórtka hač k jutrońčce.
Zdobom zhonja zajimcy w muzeju wjace ke kmótřiskim daram ze serbskim hrónčkom.
Wosebitu konferencu k cyrkwinskim stawiznam móža zajimcy wot štwórtka do soboty, 14. do 16. měrca, w Budyšinje wopytać. Na njej budu referenća tež wo serbskich temach přednošować.
Pod hesłom „Wujednaj so!“ wotměje so za šulerjow 6., 7. a 8. lětnika sobotu, 23. měrca, zhromadny dźeń w Don Boskowym domje we Worklecach. Na tym dnju wobsteji móžnosć, sakrament wujednanja přijimać. Přizjewjenja su hač do póndźele, 18. měrca, online móžne.
Dekanatne dušepastyrstwo za dźěći zarjaduje za šulerjow 1. a 2. lětnika w jutrownych prózdninach zhromadny dźeń w Don Boskowym domje we Worklecach. Wón steji pod hesłom „Chryst z mortwych stanył je“. Wobdźělić móža so dźěći pak srjedu, 3. apryla, abo štwórtk, 4. apryla, stajnje wot 9.00 do 15.00 hodź. Přizjewjenja přijimuja online hač do njedźele, 24. měrca.
Nócne modlenje dekanatneje młodźiny steji lětsa pod hesłom „Fan abo follower – Mój poćah k Bohu“. Wone budźe sobotu, 16. měrca, wot 21.00 hodź. w Baćonju a zakónči so z njedźelnej Božej mšu w 0.00 hodź
Christian Hartmann, předsyda frakcije CDU w Sakskim krajnym
sejmje, je hósć třećeho wječora Ekumeniskeho póstneho
seminara póndźelu, 11. měrca, w 19.30 hodź. w Smochčanskim
kubłanišću swjateho Bena. Wón porěči k temje „Boju so
towaršnosće bjez nabožiny“.
Młodźinske dušepastyrstwo přeprošuje młodostnych sej zhromadnje dźiwadłowu hru „Na tamnym boku měsačka – HERCY“ wobhladać, a to sobotu, 6. apryla, w 19.30 hodź w Budyskim Němsko-Serbskim ludowym dźiwadle. Kartku dóstanu
młodostni za potuńšenu płaćiznu pjeć eurow. Přizjewjenja přijimuja hač do póndźele, 11. měrca, online.
Dekanatne dušepastyrstwo za dźěći přeprošuje šulerki a šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot póndźele do pjatka, 8. do 12. julija. Přizjewjenja přijimuja hač do njedźele, 31. měrca, online.
Pastyrske słowo biskopa Heinricha k jutrownemu pokutnemu časej 2024
...
Hirtenwort von Bischof Heinrich zur Österlichen Bußzeit 2024
Serbska protyka
