Katolski Posoł – 21. januara 2024
Serbski duchowny přirunuje w swojim zawodnym nastawku čas z modernym wobchadnym srědkom. Wón pak tež k tomu pohnuwa, pozastać, wodychnyć a so Bohu dowěrjeć.
Direktor Katolskeje akademije Drježdźansko-Mišnjanskeho biskopstwa dr. Thomas Arnold diecezanske kubłanišćo wopušći. Wón přewozmje nowy nadawk na statnej runinje.
W nowej ediciji wo katolskej cyrkwi w sakskej diasporje su tež teksty wjacorych serbskich awtorow zapřijate. Publikacija zjednoća přinoški, kotrež předstajichu tući a dalši referenća na kolokwiju składnostnje 100lětneho jubileja znowazałoženja Mišnjanskeho biskopstwa 2021.
Pjeć lětdźesatkam skutkowanja znateho Budyskeho fotografikarja a wuměłca wěnuje Budyski Serbski muzej wosebitu wustajeńcu. Awtorka je sej ju wobhladała a ju předstaja.
Wona běše wušikna a dobroćiwa šwalča a je njeličomne kostimy za serbsku dźiwadłowu skupinu, karnewal a za jara wjele ludźi šiła. Spočatk lěta je Monika Konjechtowa njejapcy na prawdu Božu wotešła.
Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. K tomu trěbnu wědu posrědkuje w zakładnym kursu, kotryž wotměje so wot 20. měrca hač do 4. meje trójce srjedu kaž tež štyri króć sobotu.
Pod hesłom „Chwalić – Dźakować – Dźiwać so“ přeprošuje Smochčanske kubłanišćo swjateho Bena wowki a dźědow z jich wnučkami na zhromadne dny w zymskich prózdninach. Zarjadowanje budźe wot póndźele do pjatka, 19. do 23. februara.
Towarstwo Cyrila a Metoda přihotuje změnu swojich wustawkow. Wo nich ma so na hłownej zhromadźiznje pjatk, 9. februara, w Baćonju diskutować. K přirunowanju su paralelnje dotalne, kónc lěta 1998 wobzamknjene wustawki z nowym namjetom wozjewjene.
Na swójbne popołdnjo přeprošuje
Budyski Serbski muzej
we wobłuku wustajeńcy
„Ducy domoj“. Wone wotměje
so njedźelu, 21. januara,
w 15.00 hodź. Wobdźělnicy
změja składnosć, wustajeńcu
z fotografijemi Jürgena Maćija
při wodźenju interaktiwnje
zeznać.
Na mjeztym 12. kulturnu zymu přeprošuje Monika Gerdesowa do swojeje putniskeje hospody w Chrósćicach. Hač do februara poskićuje wona wšelake zarjadowanja za dźěći a dorosćenych w serbskej a němskej rěči.
Dekanatne dušepastyrstwo za dźěći přeprošuje šulerki a šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot póndźele do pjatka, 8. do 12. julija. Přizjewjenja přijimuja hač do njedźele, 31. měrca, online.
Serbska protyka
