Katolski Posoł – 23. julija 2023
Wo tym, što ma njerodź ze sudnym dnjom činić, rozmysluje awtor w swojim zawodnym nastawku. W nim poda wón tři perspektiwy, kak móžeš ewangelij tuteje njedźele zrozumić.
„To njewidźomne sej wotkryć“ rěkaše hesło lětušich nabožnych prózdninskich dnjow. W jednej serbskej wosadźe mějachu lětsa wosebje wjele wobdźělnikow. Tam wotměchu so dny lětsa zdobom z wjacorymi změnami.
Na swětowym zetkanju młodźiny w Lissabonje wobdźěli so tež serbska skupina. W rozmołwje młodźinska referentka Lucija Škodźina mjez druhim powěda, na čo mějachu w přihotach dźiwać a kotre wonkowne znamjenja změja, zo njebychu wobdźělnicy zwisk k swojej skupinje zhubili.
Před 100 lětami wotmě so w dwurěčnej Łužicy synoda Mišnjanskeje diecezy. Z njej synodalojo něšto wotzamknychu.
Křesćansko-socialny kubłanski skutk z.t. přeprošuje zhromadnje z klóštrom Marijinej hwězdu na zelowu njedźelu do tamnišeje Zežiwjenskeje a zeloweje zahrody w Pančicach-Kukowje. Wona wotměje so njedźelu, 20. awgusta, wot 11.00 hodź. Zakónčacy ekumeniski nyšpor ze žohnowanjom zelow budźe w 17.15 hodź.
Knižka z modlitwami za dźěći a w swójbje z titulom „Ruce swojej
stykuju“ je w Budyskim Ludowym nakładnistwje w druhim nakładźe wušła. Wona wopřijima
něhdźe 70 modlitwow za
najwšelakoriše situacije.
Drježdźansko-Mišnjanske biskopstwo pyta wosobu, kotraž
chcyła wot 1. septembra w zarjadnistwje Sakskeho Katolskeho
kubłanja dorosćenych (KEBS) dźěłać. Požadanja přijimuja hač do póndźele,
31. julija.
Smochčanski kubłanski dom swjateho Bena poskići wot srjedy do pjatka, 13. do 15. septembra, seminar, w kotrymž móža ludźo na stres, wysoke wužadanja abo žiwjenske krizy wotpowědnu podpěru z pomocu reziliency dóstać. Přizjewjenja su hač do srjedy, 23. awgusta, móžne.
Na kongres Adoratio – rěčenje
wo a modlenje před Najswjećišim
– su wěriwi a zajimcy
sobotu a njedźelu, 19. do
20. awgusta, do Noweje Cale
přeprošeni. Přizjewjenja přijimuja online.
Dekanatne dušepastyrstwo młodźiny we Worklecach přeprošuje wšitkich młodostnych wot 8. lětnika kaž tež młodych dorosćenych na seksualnopedagogisku dźěłarničku WaageMut®. Wona wotměje so sobotu, 9. septembra, na „Radlubinje“ w Ralbicach. Přizjewjenja přijimuja hač do wutory, 8. awgusta.
Serbska dekanatna młodźina je tež lětsa na zhromadny wulět přeprošena. Tón budźe njedźelu, 3. septembra. Přizjewjenja přijimuja hač do wutory, 8. awgusta, online.
Na putnikowanje z kolesom přeprošuje Smochčanske kubłanišćo swjateho Bena wšitkich zajimcow wot njedźele, 24. septembra, do njedźele, 1. oktobra. Nawod změjetaj farar Thomas Cech ze Žitawy a Alojs Rječka z Łužnicy.
Serbska protyka
