Katolski Posoł – 16. apryla 2023
Wo takrjec pjatym ewangeliju pisa awtor w swojim zawodnym nastawku. Mjez druhim předstaja wón wone městno, kotrež wobhladuje křesćanska tradicija jako te, na kotrymž je Jězus ze swojimi wučomnikami zhromadnje jědł.
Bamž Franciskus je jutrońčku znowa tradicionelne požohnowanje urbi et orbi wudźělił. Nimo křižoweho puća wulki pjatk je 86lětny swjaty wótc wšitke Bože słužby w martrownym tydźenju a jutry nawjedował.
W Pančicach-Kukowje zetka so dwanaće młodostnych zeleny štwórtk k wosebitej wječeri. Wulki pjatk modlachu so w tamnišej klóšterskej cyrkwi křižowy puć.
Křižowy puć w sewjernej Čěskej móžachu lětsa wospjet dwurěčnje wuhotować. Mjez wobdźělnikami bě tójšto Serbow.
W dźewjeć procesionach wozjewjachu křižerjo jutrońčku znowa poselstwo wo Zrowastanjenju Jězu Chrysta. Ale tež hižo do najwažnišeho swjedźenja za křesćanow pěstowachu w serbskich wosadach wšelake nałožki.
Što so z jutrońčku njeskónči, to rjekny serbski duchowny mjez druhim w swojim prědowanju wutoru po jutrach w Róžeńće. Tam zetkachu so křižerjo k dźaknym kemšam.
Křižerske knižki třoch procesionow steja wot lońšeho w digitalnej wersiji k dispoziciji. Při tym jedna so wo aplikaciju, kotruž je w šwicarskej bydlacy Serb wuwił.
Něhdyša abatisa klóštra Marijineho doła Maria Regina Wollmann je jutrońčku po sćerpnje znjesenej chorosći zemrěła. Hišće hač krótko do swojeje smjerće běše wona priorka konwenta cisterciensow.
We wudaću Katolskeho Posoła bołmončku, 2. apryla, běše na dźěćacej stronje hódančko podate. W nim měješe so wobchadnym znamješkam prawy
woznam za póstny čas přirjadować.
Richard Paška budźe nowy nawoda Domu swjateho Jana w Smječkecach. Do toho je wón 15 lět w Kamjenskej chorowni swjateho Jana dźěłał.
Klětu nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Požadanja přijimuja hač do soboty, 30. apryla.
Serbska protyka
