![](https://www.posol.de/wp-content/uploads/2023/03/2023-03-26__INTERNET-predloha-titul__135__-850x580.jpg)
Katolski Posoł – 26. měrca 2023
Što prawy křesćan we sebi pěstować měł, wo tym pisa awtor zawodneho nastawka. Zdobom wón zwuraznja, čeho njetrjebaš so wotrjec a što křesćanstwo nawopak rěka.
![](https://www.posol.de/wp-content/uploads/2023/03/01-3.jpg)
W kónčinach Ukrainy, kotrež su wot Ruskeje wobsadźene, je katolske dušepastyrstwo praktisce zašło. Kaž za sowjetski čas dožiwjeja tam podzemsku cyrkej.
![](https://www.posol.de/wp-content/uploads/2023/03/02-3.jpg)
Što matej serbska putniska hospoda a zemjerženje w Turkowskej a Syriskej z jednym ze skutkow ćělneje miłosće činić? Wo tym pisa awtor w dalšim dźělu swojeje póstneje serije.
![](https://www.posol.de/wp-content/uploads/2023/03/03-3.jpg)
Na swojej hłownej zhromadźiznje su sobustawojo Towarstwa Cyrila a Metoda z.t. čile a konstruktiwnje wo naležnosćach katolskich Serbow diskutowali. Rozprawy zdobom wujewichu, kak mnohostronsce towarstwo skutkuje.
![](https://www.posol.de/wp-content/uploads/2023/03/04-3.jpg)
Hudźbny nyšpor z pišćelemi, klarinetu a saksofonom dožiwichu zajimcy w klóšterskej cyrkwi w Pančicach-Kukowje. Woni słyšachu zynki komponistow ze wšelakich lětstotkow.
![](https://www.posol.de/wp-content/uploads/2023/03/05-3.jpg)
W swěće poměrnje njeznaty Katolski Posoł je so před sto lětami přiwšěm z cyłym swětom zwjazał. To zwěsća awtorka swojeje rubriki. Zdobom nańdźe pak w tehdyšich wudaćach tež mjenje zwjeselace powěsće.
![](https://www.posol.de/wp-content/uploads/2023/03/06-3.jpg)
Nowu akustisku naprawu móža wopytowarjo jutry w Pančicach-Kukowje dožiwić. Nimo toho maja so ławki w Lipju ponowić. Wo tym rozprawjachu na hłownej zhromadźiznje Přećelskeho kruha klóštra Marijineje hwězdy.
![](https://www.posol.de/wp-content/uploads/2023/03/07-3.jpg)
Za wustajeńcu „Čej’ da sy?“ pyta Budyski Serbski muzej hišće fota. Witane su motiwy serbskeje zhromadnosće, nałožkow, romantiskich blečkow abo dopomnjenkow na wosebity podawk.
![](https://www.posol.de/wp-content/uploads/2023/03/08-3.jpg)
Što zamóže hory přesadźeć? To nazhonichu wobdźělnicy nócneho modlenja serbskeje dekanatneje młodźiny w Ralbicach.
![](https://www.posol.de/wp-content/uploads/2023/03/09-2.jpg)
24 šulerjow 4. a 5. lětnika wobdźěli so w Don Boskowym domje we Worklecach na zhromadnym dnju pod hesłom „Połčas“. W katechezy zaběrachu so woni z póstnym časom.
![](https://www.posol.de/wp-content/uploads/2023/03/10-2.jpg)
Što matej strach a wěste wobchadne znamješko, na kotrymž je suwace so awto widźeć, zhromadneho? Wo tym pisataj Hańžka a Feliks.
![](https://www.posol.de/wp-content/uploads/2023/03/09.jpg)
Křižowy puć modli so serbska dekanatna młodźina bołmončku, 2. apryla, w Pěskecach. Započatk je w 14.00 hodź. při kapałce.
![](https://www.posol.de/wp-content/uploads/2023/03/14.jpg)
Pod hesłom „Wujednaj so!“ su šulerki a šulerjo wot 6. do 8. lětnika sobotu, 1. apryla, wot 9.00 do 13.30 hodź. na zhromadny dźeń do Don Boskoweho domu we Worklecach přeprošeni. Přizjewjenja přijimuja hač do póndźele, 27. měrca.
![](https://www.posol.de/wp-content/uploads/2023/03/10.jpg)
Klětu nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Požadanja přijimuja hač do soboty, 30. apryla.
![](https://www.posol.de/wp-content/uploads/2023/03/12-2.jpg)
Bonifacijowy skutk katolikow Němskeje w Paderbornje poskića młodym ludźom wot 18 lět w koorperaciji z Newmanowym institutom w šwedskim měsće Uppsala praktikum w sewjernej Europje. Na te wašnje zbliža sej tamnišu katolsku diaspornu cyrkej a móža ju při jeje nadawkach podpěrać.
![](https://www.posol.de/wp-content/uploads/2023/03/13.jpg)
„… přez lěto, přez žiwjenje – rituale jako pomoc w žiwjenskich přechodach“ rěka hesło zarjadowanja, kotrež wotměje so sobotu, 22. apryla, w Smochčanskim kubłanišću swjateho Bena. Mjez druhim změja zajimcy po přeću składnosć, sej sami ritual za sebje abo za wosebitu žiwjensku situaciju wutworić.
![](https://www.posol.de/wp-content/uploads/2023/03/10a.jpg)
W Budyskim Serbskim muzeju maja hač do 24. apryla jutrownu wustajeńcu. Wona wěnuje so mjez druhim dwěmaj róčnicomaj. Wustajene su tež twórby njewěriweho wuměłca wo Jězusowym křižowym puću a wo swjatej Mariji.
![](https://www.posol.de/wp-content/uploads/2023/03/11.jpg)
Zajimcy, kotřiž chcyli katolsku nabožinu wuwučować, móža lětsa nazymu wotpowědne wukubłanje zahajić a so přez studij wučerstwa za to kwalifikować. Dalše informacije dóstanu we wotrjedźe za šule a wysoke šule biskopskeho ordinariata w Drježdźanach.
![](https://www.posol.de/wp-content/uploads/2023/03/12-1.jpg)
K dnjam rozpominanja a nutřkowneho přihota na martrowny tydźeń přeprošuja sotry klóštra Marijineje hwězdy wot pjatka, 31. měrca, do njedźele, 2. apryla. Ličba wobdźělnikow je na dwanaće wosobow wobmjezowana.
![](https://www.posol.de/wp-content/uploads/2023/03/08.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)